ଅନୁଗୁଳ, (ବଡ଼ ଖବର ବ୍ୟୁରୋ): ଦୀର୍ଘଦିନ ପରେ ଭୂମିହୀନଙ୍କୁ ମିଳିଲା ଭୂମି ଅଧିକାର ପ୍ରମାଣପତ୍ର। ଓଡ଼ିଶା ସରକାରଙ୍କ ବସ୍ତିବାସିନ୍ଦା ଭୂମି ଅଧିକାର ଆଇନ ଅନୁସାରେ ଅନୁଗୁଳରେ ଭୂମିହୀନଙ୍କୁ ଆଜି ଭୂମି ଅଧିକାର ପ୍ରମାଣପତ୍ର ବଣ୍ଟନ କରାଯାଇଛି। ତିନୋଟି ବସ୍ତିରେ ଜମିପଟ୍ଟା ପ୍ରଦାନ କରାଯାଇଛି। ଅନୁଗୁଳ ପୌରପାଳିକାର ୧୭ ନମ୍ବର ୱାର୍ଡ ଭରତନଗର ବସ୍ତିର ୫୦ ଜଣ ହିତାଧିକାରୀଙ୍କୁ ପ୍ରମାଣପତ୍ର ଦିଆଯାଇଛି। ଢେଙ୍କାନାଳ ଲୋକସଭା ସାଂସଦ ମହେଶ ସାହୁ ଏହି ପ୍ରମାଣପତ୍ର ବାଣ୍ଟିଛନ୍ତି। କାର୍ୟ୍ୟକ୍ରମରେ ଅନୁଗୁଳ ଉପଜିଲ୍ଲାପାଳ ବାସୁଦେବ ଶତପଥୀ ଏବଂ ପୌର ନିର୍ବାହୀ ଅଧିକାରୀ ଉପସ୍ଥିତ ଥିଲେ। ଏହାଦ୍ୱାରା ରାଜ୍ୟ ସରକାରଙ୍କ ଜାଗା ମିଶନ ସଫଳ ହେବା ସହ ସମସ୍ତ ଭୂମିହୀନ ଥଇଥାନ ହୋଇପାରିବେ ବୋଲି ସାଂସଦ ସାହୁ କହିଛନ୍ତି।

 

Leave a Reply

Your email address will not be published. Required fields are marked *