ରେଲୱେ ଟିକେଟ୍ ବୁକିଂରେ ପରିବର୍ତ୍ତନ

ଭୁବନେଶ୍ୱର (ବଡ଼ ଖବର ବ୍ୟୁରୋ): କରୋନା ମହାମାରୀ ଯୋଗୁଁ ନିୟମିତ ଟ୍ରେନ ଚଳାଚଳକୁ ବନ୍ଦ କରାଯାଇଥିଲା । ପରବର୍ତ୍ତୀ ସମୟରେ କୋଭିଡ୍ ସ୍ପେସାଲ ଟ୍ରେନ୍ ଚଳାଚଳ ଆରମ୍ଭ ହୋଇଥିଲା । ଏବେ ଟିକେଟ୍ ବୁକିଂ ଓ ରିଜର୍ଭବେସନ ଚାଟରେ ବଡ଼ ପରିବର୍ତ୍ତନ କରାଯାଇଛି । ଆଜିଠାରୁ ଏହି ପରିବର୍ତ୍ତ ନ ଲାଗୁ ହୋଇଛି । ଯାତ୍ରୀମାନଙ୍କ ସ୍ୱାର୍ଥକୁ ଦୃଷ୍ଟିରଖି ତତ୍କାଳ ଟିକେଟ୍ ବୁକିଂ ପାଇଁ ଅଧିକ ସମୟ ମିଳିବ । ଅର୍ଥାତ୍ ଟ୍ରେନ୍ ଷ୍ଟେସନରୁ ଛାଡିବାର ୩୦ ମିନିଟ ପୂର୍ବରୁ ଯାତ୍ରୀମାନେ ଟିକେଟ ବୁକିଂ କରିପାରିବେ ।

ଆଗରୁ ଟ୍ରେନ୍ ଛାଡିବାର ୪ ଘଣ୍ଟା ପୂର୍ବରୁ ଟିକେଟ୍ ରିଜର୍ଭବେସନ ଚାଟ ତିଆରି କରାଯାଉଥିଲା । କୋଭିଡ-୧୯ କଟକଣା ଭିତରେ ଚାଲୁ ରହିଥିବା ଟ୍ରେନଗୁଡିକ ୨ ଘଣ୍ଟା ପୂର୍ବରୁ ଟିକେଟ୍ ବୁକିଂ କରିବାକୁ ପଡୁଥିଲା । ବୁକିଂ ସମୟରେ ବିଭିନ୍ନ ଅସୁବିଧା ଦେଖାଯାଉଥିଲା । ଏବେ କିନ୍ତୁ ଟ୍ରେନ୍ ଛାଡିବାର ଅଧଘଣ୍ଟା ପୂର୍ବରୁ ଯାତ୍ରୀମାନେ ଟିକେଟ ବୁକିଂ କରିପାରିବେ ।