ପାଞ୍ଚ ଶହ ଭତ୍ତା ଟଙ୍କା ପାଇଁ ଅଟୋ ଭଡ଼ା ପାଞ୍ଚ ଶହ

ଚନ୍ଦାହାଣ୍ଡି(ବଡ଼ ଖବର ବ୍ୟୁରୋ): ୫୦୦ ଟଙ୍କା ଭତ୍ତା ଟଙ୍କା ଆଣିବା ପାଇଁ ଅଟୋ ଭଡ଼ା ୫୦୦ଟଙ୍କା । ଅଟୋ ଭଡ଼ା କରି ଗଲେ କିନ୍ତୁ ଖାଲି ହାତରେ ଫେରିଲେ ବୃଦ୍ଧ ଦମ୍ପତ୍ତି । ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଧୋଡ଼ିପାଣି ପଞ୍ଚାୟତ ଅଧିନ ଫଳସାପଡ଼ା ଗାଁରୁ ଆସିଛି ଏଭଳି ଖବର । ଗାଁର ମୁକୁନ୍ଦ ଦଣ୍ଡସେନା ଏବଂ ତାଙ୍କ ସ୍ତ୍ରୀ ସୁଶୀଳା ଦଣ୍ଡସେନା । ଭତ୍ତା ଟଙ୍କାପାଇଁ ଦମ୍ପତ୍ତି ୯ କି ମି ଯିବା ପାଇଁ ୫୦୦ ଟଙ୍କା ଅଟୋ ଭଡ଼ା ଦେଇ ଭତ୍ତା ଟଙ୍କା ଉଠାଇବାକୁ ଚନ୍ଦାହାଣ୍ଡି ବ୍ଲକ ସଦର ବ୍ୟାଙ୍କ ଅଫ ବରୋଦାକୁ ଯାଇଥିଲେ । ସେଠାରେ ବ୍ୟାଙ୍କ ଲିଙ୍କ ଫେଲ ଥିବା ଯୋଗୁଁ ଭତ୍ତା ଟଙ୍କା ନପାଇ ଖାଲି ହାତରେ ଘରକୁ ଫେରିଥିଲେ । ଏହି ଘଟଣାରେ ବିଭିନ୍ନ ମହଲରେ ଅସନ୍ତୋଷ ପ୍ରକାଶ ପାଇବା ସହ ଘଟଣାରେ ବ୍ଲକ ପ୍ରଶାସନ ତୁରନ୍ତ ଦୃଷ୍ଟି ଦେଇ ପଦକ୍ଷେପ ନେବାକୁ ଦାବି କରାଯାଇଛି ।