ଡିଜେ ଆଜେକ୍ସ ଆତ୍ମହତ୍ୟା ପଛରେ ବ୍ରେକଅପ୍!

ଭୁୁବନେଶ୍ୱର (ବଡ଼ ଖବର ବ୍ୟୁରୋ): ଡିଜେ ଆଜେକ୍ସ ଆତ୍ମହତ୍ୟା ପଛରେ ବ୍ରେକଅପ । ବଢିଲା ପୋଲିସର ସନ୍ଦେହ । ଡିଜେ ଆଜେକ୍ସ ଆତ୍ମହତ୍ୟା ମାମଲାରେ ନୂଆ ମୋଡ଼ ନେଇଛି ।ଗାର୍ଲଫ୍ରେଣ୍ଡ ଜିଜ୍ଞାଶାକୁ ଜେରା ପରେ ଗୁମର ଖୋଲିଛି । ଆଜେକ୍ସ ଜୀବନରେ ଥିଲେ ଆଉ ଜଣେ ବାନ୍ଧବୀ । ଆଜେକ୍ସ ଅନ୍ୟ ଜଣେ ଯୁବତୀଙ୍କ ସହ ସମ୍ପର୍କ ଥିବା ଜାଣିବାକୁ ପାଇଥିଲେ ଜିଜ୍ଞାଶା । ଆଜେକ୍ସଙ୍କ ଦ୍ୱିତୀୟ ବାନ୍ଧବୀ ସହିତ କଥା ହୋଇଥିଲେ ଜିଜ୍ଞାଶା । ଆଜେକ୍ସ ଓ ଦ୍ଵିତୀୟ ବାନ୍ଧବୀଙ୍କ ସହିତ କନଫେରନ୍ସ କଲରେ କଥା ହୋଇ ମୁଖା ଖୋଲିଛନ୍ତି ଜିଜ୍ଞାଶା ।

ଯାହାକୁ ନେଇ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା । ଆତ୍ମହତ୍ୟାର ତିନି ଦିନ ପୂର୍ବରୁ ଆଜେକ୍ସଙ୍କ ସହ ବ୍ରେକଅପ ବା ଦୁରେଇ ଯିବାକୁ କହିଥିଲେ ଜିଜ୍ଞାଶା । ଯାହାକୁ ନେଇ ମାନସିକ ଚାପରେ ଥାଇ ଆଜେକ୍ସ ଆତ୍ମହତ୍ୟା କରିଥାଇ ପାରନ୍ତି ବୋଲି ସନ୍ଦେହ କରୁଛି ପୋଲିସ । ଆତ୍ମହତ୍ୟା ପୂର୍ବରୁ ପରସ୍ପର ପରସ୍ପରକୁ ସନ୍ଦେହ କରୁଥିଲେ । ଆଜେକ୍ସଙ୍କ ସମ୍ପର୍କରେ ଥିବା ଅନ୍ୟ ଜଣେ ଯୁବତୀଙ୍କୁ ମଧ୍ୟ ପଚରାଉଚରା କରାଯିବ । ପୋଲିସ ହାତରେ ଲାଗିଛି କନଫରେନ୍ସ କଲର ପ୍ରମାଣ ।