ଓମ୍ ବିର୍ଲାଙ୍କ ଉପରକୁ ପାମ୍ପଲେଟ ଫିଙ୍ଗିଲେ ବିରୋଧୀ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଲୋକସଭାରେ ବାଚସ୍ପତିଙ୍କ ଉପରକୁ ପାମ୍ପଲେଟ ଫିଙ୍ଗିଲେ ବିରୋଧୀ । ଫଳରେ ସଂସଦ ଅଚଳ ହୋଇଛି । ବିଜେପିର ଏମ୍ପିଙ୍କ ସହିତ ବିରୋଧୀ ଲୋକସଭା ଓ ରାଜ୍ୟସଭାରେ ପରସ୍ପର ଉପରେ ଆରୋପ ପ୍ରତ୍ୟାରୋପ କରିଛନ୍ତି। ବିରୋଧୀମାନେ ରାହୁଲ ଗାନ୍ଧୀଙ୍କ ଦଣ୍ଡାଦେଶ ଏବଂ ଅଯୋଗ୍ୟତା ପ୍ରସଙ୍ଗ ଉଠାଇଥିଲେ।
ଏଥି ସହିତ, ଆଦାନୀ ପ୍ରସଙ୍ଗ ନେଇ ଜେପିସି ଗଠନ ଦାବି କରିଥିଲେ ବିରୋଧୀ। ଏହି ସମୟରେ କିଛି ବିରୋଧୀ ସଦସ୍ୟ ଲୋକସଭା ବାଚସ୍ପତି ଓମ ବିର୍ଲାଙ୍କ ଉପରେ ପାମ୍ପଲେଟ ମଧ୍ୟ ଫିଙ୍ଗିଥିଲେ। ଏହା ପରେ ଲୋକସଭାକୁ ଅପରାହ୍ନ ୪ ଟା ପର୍ୟ୍ୟନ୍ତ ସ୍ଥଗିତ ରଖାଯାଇଥିବାବେଳେ ରାଜ୍ୟସଭାକୁ ଅପରାହ୍ନ ୨ ଟା ପର୍ୟ୍ୟନ୍ତ ସ୍ଥଗିତ ରଖାଯାଇଛି।