ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କେନ୍ଦ୍ର ସରକାରଙ୍କ ବିଭିନ୍ନ ବିଭାଗରେ ଦୀର୍ଘ ସମୟ ଧରି କାର୍ୟ୍ୟ କରୁଥିବା ଅସ୍ଥାୟୀ କର୍ମଚାରୀମାନଙ୍କୁ ସୁନିଶ୍ଚିତ କରିବା ପାଇଁ ପ୍ରସ୍ତୁତି ଚାଲିଛି । ସେମାନଙ୍କୁ ସ୍ଥାୟୀ ନିଯୁକ୍ତି ମିଳିବ । ଏଥିପାଇଁ ସେମାନଙ୍କୁ କିଛି ସର୍ତ୍ତ ପୂରଣ କରିବାକୁ ପଡିବ । ଅନୁମୋଦିତ ପଦବୀରେ ସଂପୃକ୍ତ କର୍ମଚାରୀ ୧୦ ବର୍ଷ କାର୍ଯ୍ୟ କରିଥିବେ, ଚାକିରି ସମ୍ପର୍କରେ ସେ କୋର୍ଟରେ ମାମଲା ରୁଜୁ କରିନଥିବେ,
ଲିଖିତ ପରୀକ୍ଷା କିମ୍ବା ସାକ୍ଷାତକାର ପରେ ସେମାନଙ୍କୁ ସ୍ଥାୟୀ କରାଯିବ । ମାସକ ମଧ୍ୟରେ ନିଯୁକ୍ତି ପ୍ରକ୍ରିୟା ସମ୍ପୂର୍ଣ୍ଣ କରିବାକୁ କାର୍ମିକ ଓ ପ୍ରଶିକ୍ଷଣ ମନ୍ତ୍ରାଳୟ ସମସ୍ତ ମନ୍ତ୍ରାଳୟ ଏବଂ ବିଭାଗକୁ ନିର୍ଦ୍ଦେଶ ଦେଇଛି । ସମସ୍ତ ଯୋଗ୍ୟ କର୍ମଚାରୀ ସ୍ଥାୟୀ ହେବା ପର୍ୟ୍ୟନ୍ତ ଏହି ପ୍ରକ୍ରିୟା ଜାରି ରହିବ।
ଅସ୍ଥାୟୀ କର୍ମଚାରୀମାନେ କେତେ ଦିନ ଏପରି ପଡିରହିବେ, ସେମାନଙ୍କୁ କେବେ ସ୍ଥାୟୀ କରାଯିବ ବୋଲି କାର୍ମିକ ଓ ପ୍ରଶିକ୍ଷଣ ମନ୍ତ୍ରାଳୟକୁ ବିଭିନ୍ନ ବିଭାଗ ଓ ମନ୍ତ୍ରାଳୟ ପକ୍ଷରୁ ବାରମ୍ବାର ଚିଠି କରାଯାଉଥିଲା । ଏପରିକି ବହୁ ଅସ୍ଥାୟୀ କର୍ମଚାରୀ ନିଜର ଭବିଷ୍ୟତକୁ ନେଇ ସନ୍ଦିହାନ ଥିଲେ । ସେମାନେ ସ୍ଥାୟୀ ନିଯୁକ୍ତି ଦାବିରେ ଆନ୍ଦୋଳନ ମଧ୍ୟ କରୁଥିଲେ । ଏପରକି କେହି କେହି ଆତ୍ମହତ୍ୟା କରୁଥିବା ଖବର କେନ୍ଦ୍ର ସରକାରଙ୍କ ନିକଟରେ ପହଞ୍ଚୁଥିଲା
