୧୬,୦୦୦ ଫୁଟ ଉଚ୍ଚରେ ଉଡିଲା ରୁଷ୍ଟମ
ବେଙ୍ଗାଲୁରୁ(ବଡ଼ ଖବର ବ୍ୟୁରୋ): ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଡ୍ରୋନ୍ ରୁଷ୍ଟମ-୨ର ସଫଳ ପରୀକ୍ଷଣ ଆଜି ଶେଷ ହୋଇଛି । ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (ଡିଆରଡିଓ) ଏହି ପରୀକ୍ଷଣ କରିଥିଲଶ । ରୁଷ୍ଟମ-୨ ସମୁଦାୟ ୮ ଘଣ୍ଟା ପାଇଁ କର୍ଣ୍ଣାଟକର ଚିତ୍ରାଦୁରଗାରେ ୧୬,୦୦୦ ଫୁଟ ଉଚ୍ଚରେ ଉଡିଥିଲା । ୨୦୨୦ ଶେଷ ସୁଦ୍ଧା ଏହି ଡ୍ରୋନ୍ ଯେପରି ୨୬,୦୦୦ ଫୁଟ ଉଚ୍ଚରେ ୧୮ ଘଣ୍ଟା ଉଡ଼ିପାରିବ ସେଥିପାଇଁ ଡିଆରଡିଓର ବୈଜ୍ଞାନିକମାନେ ଉଦ୍ୟମ ଚଳାଇଛନ୍ତି ।
ଯୁଦ୍ଧସ୍ଥିତିକୁ ଜାଣିବା ଏବଂ ଶତ୍ରୁଙ୍କ ଉପରେ ନଜର ରଖିବା ପାଇଁ ଏହି ଡ୍ରୋନ୍ ବ୍ୟବହାର କରାଯିବ । ଏହା ସିନ୍ଥେଟିକ୍ ଆପର୍ଚର ରାଡାର ବହନ କରିବାରେ ଅତ୍ୟନ୍ତ ସକ୍ଷମ । ଭାରତୀୟ ବାୟୁସେନା ଏବଂ ନୌସେନା ଦ୍ୱାରା ବ୍ୟବହୃତ ମାନବବିହୀନ ଗୁପ୍ତଚର ଯାନ ସହିତ ରୁଷ୍ଟମ-୨ ଡ୍ରୋନକୁ ସମାନ କରିବା ପାଇଁ ଡିଆରଡିଓ ଲାଗିପଡିଛି ।