ଭୁବନେଶ୍ୱରେ(ବଡ଼ ଖବର ବ୍ୟୁରୋ): ବିଧାନସଭାରେ ଚାଉଳ ତାତି । ବିରୋଧୀ ପ୍ରଶ୍ନ କରିଛନ୍ତି ରାଜ୍ୟ ସରକାରଙ୍କୁ କିଏ କହିଲା ଧାନ କିଣିବା ପାଇଁ । ତେଣେ ବିଜେଡି କହିଛି ଆନ୍ଦୋଳନ ହେବ । ଓଡ଼ିଶାରୁ ଚାଉଳ ନେବା ପାଇଁ କାଲି କେନ୍ଦ୍ରକୁ ଚିଠି ଲେଖିଥିଲେ ମୁଖ୍ୟମନ୍ତ୍ରୀ । ବିରୋଧୀ କଂଗ୍ରେସ ପ୍ରଶ୍ନ କରିଛି ରାଜ୍ୟ ସରକାରଙ୍କୁ କିଏ କହିଲା ଧାନ କିଣିବା ପାଇଁ? ଏଫସିଆଇ କିଣୁ । ରାଜ୍ୟ ସରକାର ଆଗେଇ ଆସୁଛନ୍ତି କିଣିବା ପାଇଁ । ଆଉ ପାଟି କରୁଛନ୍ତି କେନ୍ଦ୍ର କିଣିଲା ନାହିଁ ବୋଲି କଂଗ୍ରେସ କହିଛି । ବିଜେପି କହିଛି ସରକାର ଚାଷୀଙ୍କୁ ଶୋଷଣ କରୁଛନ୍ତି । ଧାନ କିଣୁଛନ୍ତି ।
ଏଫସିଆଇକୁ କାହିଁକି ଧାନ କିଣିବା ପାଇଁ ଛାଡୁ ନାହାନ୍ତି? ତୁରନ୍ତ ଏଫସିଆଇକୁ ଚିଠି ଲେଖନ୍ତୁ । ଏମଓୟୁ ପ୍ରତ୍ୟାହାର କରନ୍ତୁ । ଚାଉଳ ପ୍ରସଙ୍ଗରେ ବିଜେଡି ଆନ୍ଦୋଳନର ଚେତାବନୀ ଦେଇଛି । କହିଛି ଏଇଟା ସାଧାରଣ ଲୋକଙ୍କ ସ୍ୱାର୍ଥର କଥା । ସେଇଥି ପାଇଁ ମୁଖ୍ୟମନ୍ତ୍ରୀ କେନ୍ଦ୍ରକୁ ଚିଠି ଲେଖିଛନ୍ତି । ବିଜେଡି ସେଇଥି ପାଇଁ ଆନ୍ଦୋଳନ କରିବ । ରାଜ୍ୟରେ ଚାଉଳ ରାଜନୀତି ଜୋର ଧରିଛି । ବିରୋଧୀ ବିଜେଡିକୁ ଘେରୁଥିବା ବେଳେ ବିଜେଡିର ଟାର୍ଗେଟରେ କେନ୍ଦ୍ର ସରକାର ।
