ରାହୁଲଙ୍କୁ ଲଳିତ ମୋଦିଙ୍କ ଧମକ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ):ରାହୁଲ ଗାନ୍ଧିଙ୍କୁ ଲଳିତ ମୋଦିଙ୍କ ଧମକ । ରାହୁଲଙ୍କ ବିରୋଧରେ ଇଂଲଣ୍ଡ ଅଦାଲତରେ ମାମଲା ରୁଜୁ କରିବେ ବୋଲି ଟ୍ୱିଟରେ କହିଛନ୍ତି ଲଳିତ ମୋଦି । ମୋଦି ସାଙ୍ଗିଆକୁ ନେଇ ରାହୁଲ ଗାନ୍ଧୀ ଦେଇଥିବା ଆପତ୍ତିଜନକ ଟିପ୍ପଣୀକୁ ବିରୋଧ କରିଛନ୍ତି ଆଇପିଏଲ୍ର ପୂର୍ବତନ ମୁଖ୍ୟ ଲଳିତ ମୋଦି। ଲଳିତ ମୋଦି ଟ୍ୱିଟ କରି ଲେଖିଛନ୍ତି,ମୁଁ ବିଚାର ବ୍ୟବସ୍ଥାର ପଳାତକ ବୋଲି ସାଧାରଣ ଜନତା ଓ ଗାନ୍ଧୀଙ୍କ ସହଯୋଗୀମାନେ ବାରମ୍ବାର କହୁଛନ୍ତି। କେଉଁ ଦୃଷ୍ଟିରୁ ମୁଁ ପଳାତକ?
ମୁଁ କୌଣସି ଅପରାଧରେ ଦୋଷୀ ସାବ୍ୟସ୍ତ ହୋଇନାହିଁ।ଅନେକ କଂଗ୍ରେସ ନେତାଙ୍କ ବିଦେଶରେ ସମ୍ପତ୍ତି ଥିବା ଲଳିତ ମୋଦି ଅଭିଯୋଗ କରିଛନ୍ତି। ଏ ସବୁର ପ୍ରମାଣ ସେ କୋର୍ଟକୁ ଯୋଗାଇ ଦେଇପାରିବେ। ଗାନ୍ଧୀ ପରିବାରଠାରୁ ତାଙ୍କ ପରିବାର ଭାରତ ପାଇଁ ବହୁତ କିଛି ଅଧିକ କରିଛି। ଅଭିଯୋଗକୁ ସତ୍ୟ ପ୍ରମାଣିତ କରିବା ଲାଗି ରାହୁଲଙ୍କୁ ଚାଲେଞ୍ଜ କରିଛନ୍ତି ଲଳିତ ମୋଦି। ଆଇପିଏଲ୍ରେ ଅର୍ଥ ହେରଫେର ମାମଲାରେ ୨୦୧୦ରୁ ଭାରତ ଛାଡ଼ି ଲଳିତ ମୋଦି ଲଣ୍ଡନରେ ଅଛନ୍ତି।