୮କୋଟିର ଠକେଇ, ଡେପୁଟି ମ୍ୟାନେଜର ଗିରଫ

ବାଲିଗୁଡ଼ା(ବଡ଼ ଖବର ବ୍ୟୁରୋ): ୮କୋଟିର ଠକେଇ ମାମଲାରେ ଡେପୁଟି ମ୍ୟାନେଜର ଗିରଫ । ଗିରଫ କଲା ଇଓଡବ୍ଲୁ । କନ୍ଧମାଳ ଜିଲ୍ଲା ସଦର ମହାକୁମା ଫୁଲବାଣୀ ସହର ସ୍ଥିତ ଏସବିଆଇର ବ୍ରାଞ୍ଚରୁ ଠକେଇ ହୋଇଥିଲା । ଡେପୁଟି ମ୍ୟାନେଜର ଆଶୁତୋଷ ଆଚାର୍ୟ୍ୟଙ୍କୁ ଇଓଡବ୍ଲୁ ଗିରଫ କରି ଫୁଲବାଣୀ କୋର୍ଟରେ ହାଜର କରିଛି । ଠକେଇ ନେଇ ରିଜିଓନାଲ ମ୍ୟାନେଜର ଇଓଡବ୍ଲୁରେ ଅଭିଯୋଗ କରିଥିଲେ ।

ଚାକିରି କରି ନଥିବା ୫୯ ଜଣଙ୍କ ନାଁରେ ଚାକିରି ଲୋନ୍ ଉଠାଇଥିଲେ । ପେନସନ ପାଉନଥିବା ୨୬ ଜଣଙ୍କ ନାଁରେ ପେନସନ ଲୋନ ଉଠାଇଥିଲେ । ଜାଲ କାଗଜ ପତ୍ର କରି ମୋଟ ୮ କୋଟି ୧ ଲକ୍ଷ ୮୭ ହଜାର ଟଙ୍କା ସ୍କାମ କରିଥିଲେ । ପରବର୍ତୀ ସମୟରେ ସେଥିରୁ ଇଓଡବ୍ଲୁ କିଛି ଟଙ୍କା ଆଦାୟ କରିଥିବା ବେଳେ ବର୍ତମାନ ତାଙ୍କ ନାମରେ ୬ କୋଟି ୮୮ ଲକ୍ଷ ୯୮ ହଜାର ଟଙ୍କା ସ୍କାମ କରିଥିବା ଅଭିଯୋଗ ହେଇଛି ।