ଭୁବନେଶ୍ୱର (ବଡ଼ ଖବର ବ୍ୟୁରୋ):ଆଜି ହେଉଛି ରାଜଧାନୀ ପ୍ରତିଷ୍ଠା ଦିବସ । ଆଜକୁ ୭୫ ବର୍ଷ ତଳେ ୧୯୪୮ ମସିହା ଏପ୍ରିଲ ମାସ ୧୩ ତାରିଖରେ ରାଜଧାନୀ ଭୁବନେଶ୍ୱରକୁ ମିଳିଥିଲା ରାଜଧାନୀର ସ୍ୱୀକୃତି । ଭାରତର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହାରଲାଲ ନେହୁରୁଙ୍କ ଦ୍ୱାରା ଭୁବନେଶ୍ୱରରେ ନୂତନ ରାଜଧାନୀର ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା । ସେବେ ଠାରୁ ଆଜି ପର୍ଯ୍ୟନ୍ତ ରାଜଧାନୀ ପ୍ରତିଷ୍ଠା ଦିବସ ପାଳନ ହୋଇ ଆସୁଛି ।
ବିକାଶ ଧାରାରେ ସାମିଲ ହୋଇ ଦେଶର ୧ ନମ୍ବର ସ୍ମାର୍ଟସିଟିର ମଧ୍ୟ ମାନ୍ୟତା ହାସଲ କରିଛିି ରାଜଧାନୀ । ଚାଲିଚଳନରେ ପରିବର୍ତ୍ତନ ସହ ଜନସଂଖ୍ୟାରେ ମଧ୍ୟ ବୃଦ୍ଧି କରିଛି । ସେଦିନ ରାଜଧାନୀ ଭୁବନେଶ୍ୱର ଓ ଆଜିର ରାଜଧାନୀ ଭୁବନେଶ୍ୱର ମଧ୍ୟରେ ଅନେକ କିଛି ପରିବର୍ତ୍ତନ ହୋଇଛି ।
ସେଦିନର ରାଜଧାନୀ ଭୁବନେଶ୍ୱର, ଆଜିର ରାଜଧାନୀ ଭୁବନେଶ୍ୱର ଭିତରେ କେବଳ ଯେ କୋଠାବାଡ଼ି, ରାସ୍ତାଘାଟ, ହସ୍ପିଟାଲ୍, ଶିକ୍ଷାନୁଷ୍ଠାନର କଳେବର ହୋଇଛି ତାହାନୁହେଁ, ବଦଳିଛି ଲୋକଙ୍କ ଜୀବନ ଶୈଳୀ ଓ ଆଚାର-ବିଚାର ।
ତେବେ ବିଧାନସଭା ସମ୍ମୁଖରେ ଏହି ଉତ୍ସବ ପାଳନ କରାଯାଉଥିବାବେଳେ ରାଜଧାନୀର ଅନେକ ମନ୍ତ୍ରୀ ଓ ବିଧାୟକମାନେ ଏହି ଉତ୍ସବରେ ଯୋଗ ଦେବେ । ପରେଡରେ ଓଡ଼ିଶା ପୋଲିସ ବ୍ୟାଣ୍ଡ ସହ ମୋଟ ୪୨ ଟ୍ରୁପ ଅଂଶ ଗ୍ରହଣ କରିବେ । ବିଭିନ୍ନ ସ୍କୁଲ, କଲେଜର ଛାତ୍ରଛାତ୍ରୀ, ଏନସିସି ଟ୍ରୁପ୍ସ, ସ୍କେଟିଂ, ଏବଂ ଡେୟାର ଡେଭିଲ ଟିମ ଭାଗନେବେ । ପ୍ରତି ୱାର୍ଡରେ କାର୍ଯ୍ୟକ୍ରମ କରିବା ପାଇଁ ବିଏମସି ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି।
