କଟାକ୍ଷ କଲେ ପ୍ରମିଳା, ଧର୍ମେନ୍ଦ୍ର କହିଲେ ନବୀନଙ୍କୁ ଚିଠି ଲେଖିଛି

ଭୁବନେଶ୍ୱର (ବଡ଼ ଖବର ବ୍ୟୁରୋ): କୋଟିଆରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗୋ ବ୍ୟାକ ନାରା ଦେଇଥିଲେ । ତାହେଲେ ଆନ୍ଧ୍ର ଆସିଲା କେଉଁଠୁ, ପ୍ରଶ୍ନ କରିଛନ୍ତି ରାଜସ୍ୱମନ୍ତ୍ରୀ ପ୍ରମିଳା ମଲ୍ଲିକ । ପ୍ରଚାର ପ୍ରସାର ପାଇଁ ଗୋ ବ୍ୟାକ ନାରା ଦେଲେ କଣ ଆନ୍ଧ୍ର ପଳାଇବ ନା ସମସ୍ୟାର ସମାଧାନ ହେବ ବୋଲି କହିଛନ୍ତି ପ୍ରମିଳା । ରାଜ୍ୟ ସରକାର ସେଠି ପଂଚାୟତ ନିର୍ବାଚନ କରିଛନ୍ତି, ସ୍କୁଲ, ଅଙ୍ଗନୱାଡି ଓ ରାସ୍ତା କରିଛନ୍ତି। କେନ୍ଦ୍ର ସରକାର ଉଭୟ ରାଜ୍ୟକୁ ଡାକି ସମାଧାନ କାହିଁକି କରୁ ନାହାନ୍ତି ବୋଲି ପ୍ରଶ୍ନ କରିଛନ୍ତି ।

ସେପଟେ ଏହାର ପ୍ରତିଉତ୍ତର ରଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ରାଜ୍ୟ ପ୍ରସଙ୍ଗରେ ସମସ୍ତ ଦଳ ଏକ ହୋଇ ଲଢ଼ିବା ଆବଶ୍ୟକ । ରାଜସ୍ୱ ମନ୍ତ୍ରୀ ଯଦି ଏକଥା ନ ଜାଣି ନିଜ ଦଳରେ ନମ୍ବର ବଢ଼ାଇବା ପାଇଁ ମତେ ନିଚା କରିବାକୁ ଚାହୁଁଛନ୍ତି ଏଥିରେ ମୋର କିଛି କହିବାର ନାହିଁ । କିନ୍ତୁ କୋଟିଆ ନେଇ ମୁଖ୍ୟମନ୍ତ୍ରୀଙ୍କୁ ପ୍ରମିଳା ଅପା ବୁଝାନ୍ତୁ । କୋଟିଆ ସମ୍ପର୍କରେ ମୁଁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିବା କହିଛନ୍ତି ଧର୍ମେନ୍ଦ୍ର। ଯଦି କହିବେ ଆଜି ସନ୍ଧ୍ୟାରେ ମୁଖ୍ୟମନ୍ତ୍ରୀଙ୍କ ଘରେ ଚିଠି ପୁଣି ଥରେ ପହଞ୍ଚାଇଦେବି । ରାଜ୍ୟ ସରକାର ଯେଉଁଭଳି ଭାବେ କେନ୍ଦ୍ର ଉପରେ ଦୋଷ ଲଦି ଦେଉଛନ୍ତି ମୁଁ ଆହ୍ୱାନ କରୁଛି ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ସମସ୍ତ ଦଳ ଆସନ୍ତୁ ପ୍ରଧାନମନ୍ତ୍ରୀଙ୍କୁ ଭେଟିବା ଆମ ରାଜ୍ୟ ପାଇଁ ଦାବି କରିବା ।