ଜମିବାଡ଼ି ବିବାଦକୁ କେନ୍ଦ୍ରକରି ଗଣ୍ଡଗୋଳ

ବସ୍ତା(ବଡ଼ ଖବର ବ୍ୟୁରୋ): ଜମିବାଡ଼ି ବିବାଦକୁ କେନ୍ଦ୍ର କରି ଦୁଇ ପରିବାର ମଧ୍ୟରେ ଗଣ୍ଡଗୋଳ । ଜଣେ ଆହତ, ଜଣେ ନିଖୋଜ । ଉଭୟ ପକ୍ଷରୁ ଥାନାରେ ଦୁଇଟି ଅଭିଯୋଗ । ବସ୍ତା ଥାନା ସନ୍ତୋପୁର ପଞ୍ଚୟତ ଥେଙ୍ଗିଡିଆ ଗାଁର ବିଜୟ ମହାପାତ୍ର ଏବଂ ଅଜୟ ମହାପାତ୍ର ଦୁଇ ଭାଇଙ୍କ ଜମିବାଡି ନେଇ ପୂର୍ବରୁ ବିବାଦ ଲାଗି ରହିଥିଲା । ଏନେଇ ଉଭୟ ପରିବାର ଏବଂ ଗ୍ରାମବାସୀ ବସି ଆପୋଷ ସମାଧାନ କରିଥିଲେ ଓ ଆସନ୍ତା ରବିବାର ଅମିନ ଡକାଇ ଜମି ମପା ଯିବାର ନିଷ୍ପତ୍ତି ହୋଇଥିଲା । ପରେ ଉଭୟ ପରିବାର ମଧ୍ୟରେ ଏହି ବିବାଦ ଉଗ୍ର ରୂପ ନେଇଥିଲା । ହାତାହାତି ପରିସ୍ଥିତି ମଧ୍ୟ ସୃଷ୍ଟି ହୋଇଥିଲା । ଆହତ ସୁଭଦ୍ରାଙ୍କୁ ବସ୍ତା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଏବଂ ଉଭୟ ପକ୍ଷରୁ ଥାନାରେ ଏତଲା ଦିଆଯାଇଛି । ପୋଲିସ ଉଭୟଙ୍କ ଅଭିଯୋଗକୁ ଭିତ୍ତି କରି ତଦନ୍ତ ଆରମ୍ଭ କରିଛି ।