ଅତ୍ୟାଚାର ବିରୋଧରେ ସର୍ବଦା ସତ୍ୟର ଜୟ ହୋଇଛି: କେଜ୍ରିୱାଲ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):  ଦିଲ୍ଲୀ ଅବକାରୀ ଦୁର୍ନୀତି ମାମଲା । ମନୀଷ ସିସୋଦିଆଙ୍କ ପରେ ଆଜି ସିବିଆଇରେ ହାଜର ହୋଇଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । କେଜ୍ରିୱାଲ ଆଜି ସିର୍ବିଆଇ କାର୍ଯ୍ୟାଳୟ ଯିବା ପୂର୍ବରୁ ପ୍ରଥମେ ରାଜଘାଟ ଯାଇ ସେଠାରେ ମହାତ୍ମା ଗାନ୍ଧୀଙ୍କ ସମାଧୀପୀଠରେ ପୁଷ୍ପମାଲ୍ୟ ଅର୍ପଣ କରିଥିଲେ । ସେଠାରେ ସେ କହିଛନ୍ତି ଅତ୍ୟାଚାର ବିରୋଧରେ ସର୍ବଦା ସତ୍ୟର ଜୟ ହୋଇଛି । ଅବକାରୀ ଦୁର୍ନୀତି ମାମଲାରେ ପ୍ରଥମରଥର ପାଇଁ ସିବିଆଇ ତରଫରୁ ଆଜି କେଜ୍ରିୱାଲଙ୍କୁ ଜେରା କରାଯିବ ।

ଯାହାକୁ ନଜରରେ ରଖି ସିବିଆଇ କାର୍ଯ୍ୟାଳୟ ଓ କେଜ୍ରିୱାଲଙ୍କ ବାସଭବନ ଅଞ୍ଚଳରେ ସୁରକ୍ଷା ବ୍ୟବସ୍ଥା କଡ଼ାକଡି କରାଯାଇଛି । ସେପଟେ କେଜ୍ରିୱାଲଙ୍କୁ ଦେଖା କରିବାକୁ ଆସୁଥିବା ପଞ୍ଜାବ ଶିକ୍ଷାମନ୍ତ୍ରୀ ହରଜୋତ ସିଂଙ୍କୁ ସୀମା ନିକଟରେ ଅଟକାଇଥିଲା ପୋଲିସ । ଏନେଇ ପଞ୍ଜାବ ଆପ୍ ପକ୍ଷରୁ ଟ୍ୱିଟ୍ କରାଯାଇ ବିଜେପି ଓ ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରାଯାଇଛି ।