ପାର୍ବଣରେ ରାଜଧାନୀରେ ହୋଇପାରେ ଆତଙ୍କୀ ହମଲା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଚାଲିଛି ପାର୍ବଣ ଋତୁ । ଚାରିଆଡ଼େ ଲାଗିଛି ଲୋକଙ୍କ ଭିଡ଼ । କିନ୍ତୁ ଏହା ମିଳିଛଇ ସୂଚନା । ହୋଇପାରେ ରାଜଧାନୀରେ ବଡ଼ ଧରଣର ଆତଙ୍କୀ ହମ୍‌ଲା। ଏନେଇ ସୂଚନା ମିଳିଥିବା କହିଛନ୍ତି କମିଶନର।ଶନିବାର ଦିନ ଦିଲ୍ଲୀ ପୋଲିସ କମିଶନର ତାଙ୍କ ବରିଷ୍ଠ ଅଧିକାରୀଙ୍କ ସହ ଏକ ବୈଠକ କରିଛନ୍ତି। ଦିଲ୍ଲୀ ପୋଲିସର ସୂଚନାନୁସାରେ, ପାର୍ବଣ ଋତୁରେ ଜାତୀୟ ରାଜଧାନୀରେ ଦିଲ୍ଲୀରେ ଆତଙ୍କବାଦୀ ଆକ୍ରମଣର ସମ୍ଭାବନା ରହିଛି।

ଏହାକୁ ନେଇ ଆତଙ୍କବାଦ ବିରୋଧୀ ପଦକ୍ଷେପ ଉପରେ ଆଲୋଚନା କରାଯାଇଥିଲା। ଆତଙ୍କବାଦୀଙ୍କୁ କିପରି ସ୍ଥାନୀୟ ଲୋକଙ୍କ ସମର୍ଥନ ନେବାକୁ ରୋକାଯାଇପାରିବ ସେନେଇ ମଧ୍ୟ ଆଲୋଚନା କରାଯାଇଥିଲା। ପୋଲିସ କମିଶନର କହିଛନ୍ତି, “ସାଇବର କେଫେ, ରାସାୟନିକ ଦୋକାନ, ପାର୍କିଂ ସ୍ଥାନ, କାର ଡିଲରମାନଙ୍କ ଯାଞ୍ଚ କରାଯିବା ଉଚିତ୍। ଏହାସହିତ ବିଭିନ୍ନ ଯାଞ୍ଚ ପ୍ରକ୍ରିୟା ପାଇଁ ମଧ୍ୟ ସେ ନିର୍ଦ୍ଦେଶ ଦେଇଛନ୍ତି।