ସମ୍ବଲପୁର ସୀମାରେ ବିଜେପି ଟିମ ଅଟକ

ଭୁବନେଶ୍ୱର (ବଡ଼ ଖବର ବ୍ୟୁରୋ): ସମ୍ବଲପୁର ଯାଉଥିବା ବେଳେ ବିଜେପି ଟିମକୁ ଅଟକାଇଲା ପୋଲିସ । ଝାରସୁଗୁଡ଼ା-ସମ୍ବଲପୁର ସୀମାନ୍ତ ଶ୍ରୀପୁରା ଛକରେ ରୋକିଲା ପୋଲିସ । ବିଜେପି ଟିମରେ କେନ୍ଦ୍ର ମନ୍ତ୍ରୀ ବିଶେଶ୍ୱର ଟୁଡୁ, ସାଂସଦ ଜୁଏଲ ଓରାମ, ସାଂସଦ ସୁରେଶ ପୂଜାରୀ, ବସନ୍ତ ପଣ୍ଡା, ସଭାପତି ମନମୋହନ ସାମଲ, ବିଧାୟକ ନାଉରୀ ନାଏକ, କୁସୁମ ଟେଟେ, ଶଙ୍କର ଓରାମ ପ୍ରମୁଖ ସାମିଲ ଥିଲେ । ବିଜେପି ନେତାମାନେ ସମ୍ବଲପୁର ଜିଲ୍ଲାପ୍ରଶସନ ସହ ବର୍ତ୍ତମାନର ସ୍ଥିତି ସମ୍ପର୍କରେ ଆଲୋଚନା କରିବାର କାର୍ଯ୍ୟକ୍ରମ ଥିଲା ।

ମାତ୍ର ଟିମ ସମ୍ବଲପୁର ଜିଲା ସୀମାରେ ପହଞ୍ଚିବା ମାତ୍ରେ ପୋଲିସ ସେମାନଙ୍କୁ ଆଗକୁ ବଢିବାକୁ ଦେଇନଥିଲା । ଠେଲକୁଲି ଥାନା ଅଞ୍ଚଳରେ ବିଜେପି ଟିମକୁ ଅଟକ ରଖିଥିଲା ପୋଲିସ ।ପୋଲିସର ଏଭଳି କାର୍ଯ୍ୟକୁ ନେଇ ବିଜେପି ନେତାମାନେ କ୍ଷୋଭ ପ୍ରକାଶ କରିଛନ୍ତି । କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡ଼ୁ କହିଛନ୍ତି ପୂର୍ବରୁ ଜିଲା ପ୍ରାଶସନକୁ ବିଜେପି ଟିମର ଗସ୍ତ ସମ୍ପର୍କରେ ଚିଠି କରାଯାଇଥିଳା । ଏହା ସତ୍ତ୍ୱେ ଜିଲା ଭିତରେ ପ୍ରବେଶ କରାଇ ନଦେବା ଅତି ନିନ୍ଦନୀୟ ଘଟଣା ବୋଲି ସେ କହିଛନ୍ତି ।