ଦୋକାନ କରିବାକୁ ନେଇ ଗୋଷ୍ଠୀ ସଂଘର୍ଷ

କେନ୍ଦ୍ରାପଡ଼ା  (ବଡ଼ ଖବର ବ୍ୟୁରୋ):  ଦୋକାନ କରିବାକୁ ନେଇ ଗୋଷ୍ଠୀ ସଂଘର୍ଷ । ଏଭଳି ଦୃଶ୍ୟ ଦେଖିବାକୁ ମିଳିଛି କେନ୍ଦ୍ରାପଡ଼ା ଆଳିରେ । ଦୋକାନ କରିବାକୁ ନେଇ ହିନ୍ଦୁ-ମୁସଲିମଙ୍କ ମଧ୍ୟରେ ଗୋଷ୍ଠୀ ସଂଘର୍ଷ ହୋଇଛି ।ଏକାଧିକ ଆହାତ ହୋଇଛନ୍ତି । ଆହାତଙ୍କୁ ଆଳି ମେଡିକାଲରେ ଭର୍ତ୍ତି କରାଯାଇଛି । କଟକ ଚାନ୍ଦବାଲି ରାଜ୍ୟ ରାଜପଥକୁ ସଲଗ୍ନ ଆଳି ଆଠକଣିଆ ଛକରେ ଏକ ଜାଗାରେ ଜଣେ ହିନ୍ଦୁ ଲୋକ ଦୋକାନ କରିବା ପାଇଁ ମାଟି ପକାଉଥିବାବେଳେ ସେହି ଅଞ୍ଚଳର କିଛି ମୁସଲମାନ ଲୋକ ତାଙ୍କୁ ବିରୋଧ କରିଥିଲେ ।

ତେବେ ଉଭୟଙ୍କ ମଧ୍ୟରେ ବଚଶା ଓ ପରେ ଗୋଷ୍ଠୀ ସଂଘର୍ଷ ର ରୂପ ନେଇଥିଲା । ତେବେ ଦଙ୍ଗା ପରିସ୍ଥିତିକୁ ଆଶଙ୍କା କରି ବ୍ୟାପକ ପୋଲିସ ମୁତୟନ କରାଯାଇଛି । ଘଟଣାସ୍ଥଳରେ ଆଳି ଥାନା ଅଧିକାରୀ, ପଟ୍ଟାମୁଣ୍ଡାଇ ଏସ୍ଡ଼ିପିଓ ଓ କେନ୍ଦ୍ରାପଡ଼ା ଅତିରିକ୍ତ ଏସପି ପହଞ୍ଚି ସ୍ଥିତି ଅନୁଧ୍ୟାନ କରୁଛନ୍ତି ।