ମାଲକାନଗିରି ସୀମାରେ ସୁପରଷ୍ଟାର ଅଲ୍ଲୁ ଅର୍ଜୁନ

ମାଲକାନଗିରି(ବଡ଼ ଖବର ବ୍ୟୁରୋ): ମାଲକାନଗିରି ସୀମାରେ ସୁପରଷ୍ଟାର ଅଲ୍ଲୁ ଅର୍ଜୁନ । ଆରମ୍ଭ ହୋଇଛି ପୁଷ୍ପା-୨ ସୁଟିଂ । ସ୍ୱାଭିମାନ ଅଞ୍ଚଳର ସୀମାରେ ଥିବା ଆନ୍ଧ୍ରପ୍ରଦେଶର ତରାବୁରେ ସୁଟିଂ ଆରମ୍ଭ ହୋଇଛି । ପୁଷ୍ପା-୨ର ପୁରା ଟିମକୁ ତରାବୁରେ ଦେଖିବାକୁ ମିଳିଛି । ସୁଟିଂ ପାଇଁ ପୂର୍ବରୁ ଅସ୍ଥାୟୀ ଘର ପ୍ରସ୍ତୁତ କରାଯାଇଥିଲା । ଏହା ପରେ ମାଲକାନଗିରିରେ ମଧ୍ୟ ସୁଟିଂ କରାଯିବ । ମାଲକାନଗିରିର ଘଞ୍ଚ ଜଙ୍ଗଲରେ ପୁଷ୍ପା-୨ ଫିଲ୍ମର କିଛି ଅଂଶ ସୁଟିଂ ହେବ ।

ଫିଲ୍ମ ନିର୍ମାଣ ସଂସ୍ଥାର ଏକ ଟିମ୍ ଗତ ୧ ମାସ ଧରି ମାଲକାନଗିରି ଜିଲ୍ଲାର ବିଭିନ୍ନ ସ୍ଥାନ ବୁଲିଥିବା ବେଳେ ଶେଷରେ ସ୍ୱାଭିମାନ ଅଞ୍ଚଳର ଝୁଲା ପୋଲ, ହନ୍ତାଳଗୁଡା ଘାଟି ଓ ଚିତ୍ରକୋଣ୍ଡା ସ୍ପିଲବେରେ ନିର୍ମାଣାଧୀନ ପୋଲ ନିକଟରେ ସୁଟିଂ କରିବା ନିମନ୍ତେ ଯୋଜନା କରିଛନ୍ତି। ପୁଷ୍ପା-୨ ପାଇଁ ମାଲକାନଗିରି ଜିଲ୍ଲାର ସ୍ୱାଭାମାନ ଅଞ୍ଚଳ ଓ ସପ୍ତଧାରା ନଦୀର ବିଭିନ୍ନ ସ୍ଥାନରେ ସୁଟିଂ କରିବା ପାଇଁ ଆଗ୍ରହ ପ୍ରକାଶ କରିଛି ଟିମ୍ ।