ପୋଲ କଲେନି ଏବେ ରୋଶର ଶିକାର ହେଲେ ମନ୍ତ୍ରୀ

କେନ୍ଦ୍ରାପଡ଼ା(ବଡ଼ ଖବର ବ୍ୟୁରୋ): ପୋଲ ପାଇଁ ମନ୍ତ୍ରୀଙ୍କୁ ଘେରିଲେ ଗ୍ରାମବାସୀ । ବ୍ରାହ୍ମଣୀ ନଦୀରେ ଡଙ୍ଗା ବୁଡିବା ଘଟଣାରେ ଘଟଣାସ୍ଥଳ ପରିଦର୍ଶନକୁ ଯାଇଥିବା ଶକ୍ତି ମନ୍ତ୍ରୀ ପ୍ରତାପ ଦେବଙ୍କୁ ଘେରିଲେ ଗ୍ରାମବାସୀ । ପୋଲ ପ୍ରତିଶ୍ରୁତି ଦାବି କରି ମନ୍ତ୍ରୀଙ୍କୁ ଘେରିଛନ୍ତି ଗ୍ରାମବାସୀ । ଫଳରେ ଦୀର୍ଘ ସମୟ ଧରି ଭିଡ ଭିତରେ ଅଟକି ରହିଥିଲେ ପ୍ରତାପ ଦେବ । ପୋଲ ପାଇଁ ନିର୍ଭରଯୋଗ୍ୟ ପ୍ରତିଶ୍ରୁତି ନ ମିଳିବା ଯାଏଁ ମନ୍ତ୍ରୀଙ୍କୁ ଛାଡିବୁନି କି ମୃତଦେହର ଅନ୍ତିମ ସଂସ୍କାର କରିବୁନି ବୋଲି ଦାବି କରିଥିଲେ ଗ୍ରାମବାସୀ ।

ଆଜି ସକାଳେ କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ ଏକମଣିଆରୁ ଯାତ୍ରୀବାହୀ ଡ଼ଙ୍ଗା ରାଜନଗର ବ୍ଲକ କେରଡ଼ାଗଡ଼ ଯାଉଥିବା ବେଳେ ମଝିନଦୀରେ ଭାରସାମ୍ୟ ହରାଇ ଡ଼ଙ୍ଗାଟି ବୁଡିଯାଇଥିଲା । ଏହି ଘଟଣାରେ ୨ ଜଣ ନିଖୋଜ ଥିଲେ । ଜଣେ ନାବାଳକର ମୃତଦେହ ଉଦ୍ଧାର ହୋଇଥିବାବେଳେ ନାଉରିଆ ନିଖୋଜ ଅଛନ୍ତି । ତେବେ ଡଙ୍ଗାରେ ଥିବା ଅନ୍ୟ ସମସ୍ତ ଯାତ୍ରୀ ସୁରକ୍ଷିତ ଉଦ୍ଧାର କରାଯାଇଛି ।