ଅଭିଯୋଗ ପରେବି କାର୍ଯ୍ୟାନୁଷ୍ଠାନ ଶୂନ, ନ୍ୟାୟ ପାଇଁ ଥାନାରେ ଧାରଣା

ବଡ଼ସାହି (ବଡ଼ ଖବର ବ୍ୟୁରୋ): ନାବାଳିକା ଅପହରଣକୁ ନେଇ ଥାନାରେ ଅଭିଯୋଗ ପରେବି କାର୍ଯ୍ୟାନୁଷ୍ଠାନ ଶୂନ । ନ୍ୟାୟ ନପାଇ ଥାନା ଆଗରେ ଧାରଣା ଦେଲେ ପରିବାର ଲୋକ। ଏଭଳି ଦୃଶ୍ୟ ଦେଖିବାକୁ ମିଳିଛି ବଡ଼ସାହି ଥାନା ଅଞ୍ଚଳରେ । ଏପ୍ରିଲ ୧୦ରେ ଜଣେ ଯୁବକ ଜଣେ ନାବାଳିକାକୁ ଅପହରଣ କରିନେଇଥିଲେ । ଯାହାକୁ ନେଇ ବଡ଼ ସାହି ଥାନାରେ ଅଭିଯୋଗ କରିଥିଲେ ପରିବାର ଲୋକେ ।

ତେବେ ୨୦ ଦିନ ବିତିଯାଇଥିଲେ ମଧ୍ୟ ପୋଲିସ ନାବାଳିକାକୁ ଉଦ୍ଧାର କରିବାରେ ସକ୍ଷମ ହୋଇପାରି ନାହିଁ । ଏସ୍ପିଙ୍କ ନିକଟରେ ପରିବାର ଲୋକେ ଅଭିଯୋଗ କରିଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନିଆଯାଇନାହିଁ । ସେପଟେ ପରିବାରରେ ଏକ ମାତ୍ର ଝିଅ ପାଇଁ ଭାଙ୍ଗି ପଡିଛନ୍ତି ସପରିବାର । ନ୍ୟାୟ ପାଇଁ ଥାନା ଆଗରେ ଧାରଣରେ ବସିଛନ୍ତି ପରିବାରଲୋକେ ।