‘ମନ କି ବାତ’ରେ ଯୋଡ଼ି ହେଲେ ବିଦେଶୀ, ଶିକ୍ଷା-ସଂସ୍କୃତିକୁ କଲେ ପ୍ରଶଂସା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ୧୦୦ତମ ମନ କି ବାତ କାର୍ଯ୍ୟକ୍ରମରେ ଯୋଡ଼ି ହେଲେ ବିଦେଶୀ । ୟୁନେସ୍କୋ ଡିଜି ଔଦ୍ରେ ଅଜୋଉଲ୍ୟ ମୋଦିଙ୍କ ସହ କଥା ହୋଇଛନ୍ତି । ବିଭିନ୍ନ କ୍ଷେତ୍ରରେ ଭାରତର ପଦକ୍ଷେପକୁ ପ୍ରଶଂସା କରିଛନ୍ତି । ଭାରତର ଶିକ୍ଷା, ସଂସ୍କୃତିକୁ ମଧ୍ୟ ପ୍ରଶଂସା କରିଛନ୍ତି । ସେହିପରି ଜାମ୍ମୁ କାଶ୍ମୀରର ମଞ୍ଜୁର ଅହମ୍ମଦ, ମଣିପୁରର ବିଜୟ ଶାନ୍ତିଙ୍କ ସହ କଥା ହେବା ସହ ତାଙ୍କୁ ପ୍ରଶଂସା କରିଛନ୍ତି । ମୋଦି କହିଛନ୍ତି ଲୋକଙ୍କ ଯୋଡି ହେବାର ଏହା ହେଉଛି ଏକମାତ୍ର ମାଧ୍ୟମ । ସବୁ ବର୍ଗର ଲୋକେ ଏହି କାର୍ଯ୍ୟକ୍ରମରେ ଯୋଡ଼ି ହୋଇଛନ୍ତି । ୨୦୧୪ ଅକ୍ଟୋବର ୩ରେ ଆରମ୍ଭ ହୋଇଥିଲା ମନ କି ବାତ୍ କାର୍ଯ୍ୟକ୍ରମ । ଏହି କାର୍ଯ୍ୟକ୍ରମ ମୋ ପାଇଁ ପୂଜା ଓ ଆସ୍ଥା ଭଳି ।