ଟାଙ୍ଗୀ-ଚୌଦ୍ୱାର (ବଡ଼ ଖବର ବ୍ୟୁରୋ): ସରକାରୀ ଯୋଜନାର ଅଭାବ ନାହିଁ । ମାତ୍ର ତୃଣମୂଳ ସ୍ତରରେ କେତେ ଫଳପ୍ରଦ ଟିପିଏମ ଫାଣ୍ଡିରୁ ଜଳ ଜଳ ହୋଇ ଦିଶୁଛି । କଟକ ଜିଲ୍ଲାର ଶିଳ୍ପାଞ୍ଚଳ ଗୋଡିପାଟଣାରେ ଥିବା ଟିପିଏମ ଫାଣ୍ଡିର ଅବସ୍ଥା ନକହିଲେ ଭଲ । ଜରାଜୀର୍ଣ୍ଣ ଫାଣ୍ଡିରେ ଜୀବନକୁ ବାଜି ଲଗାଇ କାମ କରୁଛନ୍ତି ପୁଲିସ କର୍ମଚାରୀମାନେ ।
ଯେଉଁଠି ଖୋଦ ପୋଲିସ କର୍ମଚାରୀ ନିରାପଦ ନୁହଁନ୍ତି ସେଠାକୁ ନ୍ୟାୟ ପାଇଁ ଆସୁଥିବା ସାଧାରଣ ଜନତାଙ୍କ କଥା ପଚାରେ କିଏ? ଫାଣ୍ଡି ଛାତରୁ ସିମେଣ୍ଟ କଂକ୍ରିଟ ଖଣ୍ଡ କେଉଁ ମୁହୂର୍ତ୍ତରେ ଖସିବ କହିହେଉନାହିଁ । ଏହି ପୁରୁଣା ଓ ଅସୁରକ୍ଷିତ ଗୃହର ନବୀକରଣ ନହେଲେ କେଉଁ ମୁହୂର୍ତ୍ତରେ ବଡ଼ ଧରଣର ଅଘଟଣ ନଘଟିବ କହିହେବନି ।
