ମଣିପୁର ହିଂସା, ବିଧାୟକଙ୍କୁ ପ୍ରବଳ ମାଡ଼

ମଣିପୁର  (ବଡ଼ ଖବର ବ୍ୟୁରୋ): ହିଂସାରେ ଜଳୁଛି ମଣିପୁର । ମଣିପୁରରେ ଆଦିବାସୀ ଓ ଅଣଆଦିବାସୀଙ୍କ ମଧ୍ୟରେ ଚାଲିଛି ସଙ୍ଘର୍ଷ । ଜିଲ୍ଲାରେ କର୍ଫ୍ୟୁ ଲଗାଯିବ ସହିତ ୫ ଦିନ ଯାଏ ପୂରା ମଣିପୁରରେ ଇଣ୍ଟରନେଟ ସେବା ବନ୍ଦ କରାଯାଇଛି । ଦଙ୍ଗାକରୀଙ୍କୁ ଦେଖିବାମାତ୍ରେ ଗୁଳି କରିବାକୁ ନିର୍ଦେଶ ଦିଆଯାଇଛି ।

ହିଂସାକାଣ୍ଡ ଭିତରେ ଆସିଛି ଆଉ ଏକ ଘଟଣା । ଦଙ୍ଗାକାରୀମାନେ ବିଜେପି ବିଧାୟକ ଭୁଙ୍ଗଜାଗିନ ଭାଲଟେଙ୍କୁ ରାସ୍ତା ଉପରେ ପ୍ରବଳ ପିଟିଛନ୍ତି। ଏହି ଆକ୍ରମଣରେ ଭୁଙ୍ଗଜାଗିନ ଗୁରୁତର ହୋଇଛନ୍ତି। ତାଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାପଡ଼ିଛି। ଗୁରୁବାର ସନ୍ଧ୍ୟାରେ ଏକ ଗୁରୁତ୍ୱପୂର୍ଣ୍ଣ ବୈଠକରୁ ଫେରୁଥିବାବେଳ ଇମ୍ଫାଲ ରାଜରାସ୍ତାରେ କିଛି ଲୋକ ତାଙ୍କୁ ଆକ୍ରମଣ କରିଛନ୍ତି।