ବାହାରିନରେ ଓଡ଼ିଆ ପାଳିଲେ ସାବିତ୍ରୀ ବ୍ରତ

ଭୁବନେଶ୍ୱର(ବଡ଼ ଖବର ବ୍ୟୁରୋ) ବାହାରିନର ରାଜଧାନୀ ମାନାମାରେ ଧୂମଧାମରେ ପାଳିତ ହୋଇଛି ଓଡ଼ିଶାର ପବିତ୍ର ପର୍ବ ସାବିତ୍ରୀ ବ୍ରତ । ବାହାରିନ ଓଡ଼ିଆ ସମାଜର ପ୍ରାୟ ଶତାଧିକ ମହିଳା ଏକତ୍ରିତ ହୋଇ ଏହି ପବିତ୍ର ସାବିତ୍ରୀ ବ୍ରତ ପାଳନ କରିଥିଲେ ।

ଲକ୍ଷ୍ମୀ ନାରାୟଣ ମୂର୍ତ୍ତି ତିଆରି କରି ପୂଜାର୍ଚ୍ଚନା କରିଥିଲେ । ପରେ ସ୍ୱାମୀଙ୍କୁ ଅଭିବାଦନ ଜଣାଇ ଆଶୀର୍ବାଦ ଗ୍ରହଣ କରିଥିଲେ । ଓଡ଼ିଶାରୁ ୫୦୦୦ କିଲୋମିଟର ଦୂରରେ ରହି ମଧ୍ୟ ଆମ ଓଡ଼ିଆ ପରମ୍ପରାକୁ ବଜାୟ ରଖିଥିବାରୁ ସମସ୍ତ ମହିଳାମାନଙ୍କୁ ବାହାରିନ ଓଡ଼ିଆ ସମାଜର ସଭାପତି ରାମଚନ୍ଦ୍ର ସାହୁ ଧନ୍ୟବାଦ ଜ୍ଞାପନ କରିଥିଲେ ।