ଭୁବନେଶ୍ୱର (ବଡ଼ ଖବର ବ୍ୟୁରୋ): ଓଡ଼ିଶା ସରକାରଙ୍କ ଦ୍ୱାରା ବରିଷ୍ଠ ନାଗରିକ ଓ ଦିବ୍ୟାଙ୍ଗ ମାନଙ୍କ ସାମାଜିକ ସୁରକ୍ଷା ଭତ୍ତାକୁ ଡିବିଟି ମାଧ୍ୟମରେ ସିଧା ବ୍ୟାଙ୍କ ଖାତା ବଦଳରେ ନଗଦ ଆକାରରେ ଦେବାର ନିଷ୍ପତି ଦୁର୍ନୀତିମୁକ୍ତ ଶାସନ ଦିଗରେ ପଛଘୁଞ୍ଚା ଦେବା ତଥା ଜନକଲ୍ୟାଣ ସେବା ପ୍ରଦାନର ବୀପରିତ ଦିଗକୁ ଦର୍ଶାଉଛି । ତେଣୁ ଏହା ଉପରେ ପୁର୍ନବିଚାର କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପତ୍ର ମାଧ୍ୟମରେ ଅନୁରୋଧ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ନଗଦ ଅର୍ଥ ପ୍ରଦାନ କରିବା ଜରିଆରେ ମଧ୍ୟସ୍ଥିଙ୍କ ଦ୍ୱାରା ଦୁର୍ନୀତି ଓ ହେରଫେର୍ କାରଣରୁ ହିତାଧିକାରୀମାନେ ଅତୀତରେ ଶୋଷଣ ହେବାର ଅନେକ ନଜର ରହିଛି । ଓଡ଼ିଶା ସରକାରଙ୍କ ଦ୍ୱାରା ହିତାଧିକାରୀଙ୍କୁ ନଗଦ ଅର୍ଥ ପ୍ରଦାନ କରିବାର ନିଷ୍ପତି ରାଜ୍ୟରେ ଦୁର୍ନୀତି ଓ ବାଟମାରଣାକୁ ପ୍ରୋତ୍ସାହନ ଦେବ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୂରଦର୍ଶୀ ନେତୃତ୍ୱରେ ଭାରତ ସରକାରଙ୍କ ଫଳପ୍ରଦ ଯୋଜନା ଗୁଡିକ ବିନା କୌଣସି ମଧ୍ୟସ୍ଥିରେ ପ୍ରତ୍ୟେକ ନାଗରିକଙ୍କ ପାଖରେ ପହଞ୍ଚୁଛି । ଭାରତ ସରକାରଙ୍କ ଏନଏସଏପି ଅନ୍ତର୍ଗତ ଓଡ଼ିଶାର ୨୦ ଲକ୍ଷ ୯୫ ହଜାର ୬୯୫ ହିତାଧିକାରୀଙ୍କ ସମେତ ଦେଶରେ ପ୍ରାୟ ୨.୯୯ କୋଟି ହିତାଧିକାରୀ ବିନା କୌଣସି ଅସୁବିଧାରେ ଡିବିଟି ମାଧ୍ୟମରେ ସହାୟତା ପାଉଛନ୍ତି । ଡିବିଟି ବ୍ୟବସ୍ଥା କାରଣରୁ ନକଲି ଓ ଭୁତ ହିତାଧିକାରୀ ବାଦ୍ ପଡିଛନ୍ତି ଏବଂ ମଧ୍ୟସ୍ଥିଙ୍କ ଆବଶ୍ୟକତା ଦୂର ହୋଇଛି । ଓଡ଼ିଶା ସରକାର ଡିବିଟି ମାଧ୍ୟମରେ ରାଜ୍ୟରେ ଥିବା ବ୍ୟାପକ ଡାକସେବା, ଜନସେବା କେନ୍ଦ୍ର ଓ ବ୍ୟାଙ୍କ ମିତ୍ର ମାନଙ୍କ ଦ୍ଵାରା ଭତ୍ତା ସହାୟତାକୁ ବୃଦ୍ଧ ଓ ଦିବ୍ୟାଙ୍ଗ ମାନଙ୍କୁ ପହଞ୍ଚାଇବାର ବିକଳ୍ପ ବାହାର କରିବା ପାଇଁ ପରାମର୍ଶ ଦିଆଯାଇଛି ।
