ପୁରୀ(ବଡ଼ ଖବର ବ୍ୟୁରୋ): ଓଡ଼ିଶାରେ ସ୍ଥିତି ଅନୁଧ୍ୟାନ କରୁଛି ମହାନଦୀ ଟ୍ରିବ୍ୟୁନାଲ ଟିମ । ଆଜି ଚିଲିକା ମୁହାଣ ବୁଲିବ ଟ୍ରିବ୍ୟୁନାଲ ଟିମ । ଗତକାଲି କଟକରେ ମହାନଦୀର ଜଳସ୍ତର ସ୍ଥିତି ବୁଲି ଦେଖିବା ସହ ବିଶେଷଜ୍ଞଙ୍କ ଆଲୋଚନା କରିଥିଲେ ପ୍ରତିନିଧି ଦଳ । ୧୦ ଦିନିଆ ଗସ୍ତରେ ଆସିଥିବା ମହାନଦୀ ଜଳ ବିବାଦ ଟ୍ରିବ୍ୟୁନାଲର ସଦସ୍ୟମାନେ ପ୍ରଥମେ ସାପୁଆ କେନାଲ, ଏହାପରେ ମୁଣ୍ଡଳୀ, ନରାଜ ବ୍ୟାରେଜ, ଗଡଗଡିଆ, ନରାଜ ବ୍ୟାରେଜ, ମହାନଦୀ ଓ କାଠଯୋଡୀ ନଦୀର ମିଳନ ସ୍ଥଳ, ଯୋବ୍ରା ଓ ଚୌଦ୍ୱାର ବିରୂପା ବ୍ୟାରେଜ ଆନିକଟ ଗସ୍ତ କରି ମହାନଦୀ ଜଳସ୍ତର ସ୍ଥିତି ଅନୁଧ୍ୟାନ କରିଥିଲେ । ଏହି ଟିମରେ କେନ୍ଦ୍ରରୁ ଆସିଥିବା ଟ୍ରିବ୍ୟୁନାଲ ଟିମ ସହ ଛତିଶଗଡ ଏବଂ ଓଡିଶାର ଅଧିକାରୀ ଓ ଜିଲ୍ଲାପାଳ, ସ୍ଥାନୀୟ ପ୍ରଶାସନିକ ଅଧିକାରୀ ଆସି ମହାନଦୀର ସ୍ଥିତି ବୁଲି ଦେଖିଛନ୍ତି । ଓଡ଼ିଶାର ବିଶେଷଜ୍ଞଙ୍କ ସହ ମହାନଦୀ ଟ୍ରିବ୍ୟୁନାଲ ଟିମ ଆଲୋଚନା କରିଛନ୍ତି ।
