ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କଂଗ୍ରେସ ନେତା ରାହୁଲ ଗାନ୍ଧୀ ଆମେରିକା ଗସ୍ଥରେ ଅଛନ୍ତି । ଏହି ସମୟରେ ରାହୁଲ ଗାନ୍ଧୀ ବିଜେପି ସରକାରକୁ ଟାଗେର୍ଟ କରିଥିଲେ । ଏହାର ପ୍ରତିକ୍ରିୟା ରଖିଛନ୍ତି କିରନ ରିଜିଜୁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆମେରିକା ଗସ୍ଥ ସମୟରେ ରାହୁଲ ଗାନ୍ଧୀ ଦେଇଥିବା ମନ୍ତବ୍ୟ ପାଇଁ କେନ୍ଦ୍ର ମନ୍ତ୍ରୀ କିରନ ରିଜିଜୁ ନିନ୍ଦା କରିଛନ୍ତି । ମୋଦିଙ୍କ ପାଇଁ ଗାନ୍ଧିଙ୍କ ଘୃଣା କହି ରିଜିଜୁ କହିଛନ୍ତି ରାହୁଲ ଗାନ୍ଧୀଙ୍କର ଏକମାତ୍ର ଉଦେଶ୍ୟ ଭାରତ ବିଷୟରେ ଖରାପ କଥା କହିବା । ଜଣେ ସାଧାରଣ ଲୋକ ଭାରତର ପ୍ରଧାନମନ୍ତ୍ରୀ ହେବା ରାହୁଲ ଗାନ୍ଧୀ ହଜମ କରିପାରିନାହାନ୍ତି ।
ସେ ଆହୁରୀ ମଧ୍ୟ କହିଛନ୍ତି ଦେଶ ଭିତରେ ହେଉ କିମ୍ବା ଦେଶ ବାହାରେ ରାହୁଲ ଗାନ୍ଧୀ ଯେଉଁଠାରେ ଥାଆନ୍ତୁ , ତାଙ୍କର କେବଳ ଗୋଟିଏ କାମ ପ୍ରଧାନମନ୍ତ୍ରୀ ମୋଦିଙ୍କୁ ନିଚ୍ଚା ଦେଖାଇବା ସହିତ ଦେଶକୁ ବଦନାମ କରିବା । ସେ ବୁଝିପାରୁ ନାହାନ୍ତି କାହିଁକି ସେ ପ୍ରଧାନମନ୍ତ୍ରୀ ମୋଦିଙ୍କୁ ଏତେ ଘୃଣା କରନ୍ତି ଓ ଦେଶ ବିରୋଧରେ କଥା ହୁଅନ୍ତି । ସେ ଜାଣିବା ଉଚିତ ଯେ ଏହି ଦେଶ ତାଙ୍କ ପରିବାରକୁ ସବୁକିଛି ଦେଇଛି ।
