ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ନୀତିଶ କୁମାରଙ୍କ ମହାମେଣ୍ଟ ସରକାରକୁ ବଡ ଝଟକା ଲାଗିଛି । ନୀତିଶ କୁମାରଙ୍କ ମନ୍ତ୍ରିମଣ୍ଡଳରୁ ଇସ୍ତଫା ଦେଇଛନ୍ତି ବିହାରର ପୂର୍ବତନ ମୁଖ୍ୟମନ୍ତ୍ରୀ ଜିତନ ରାମ୍ ମାଞ୍ଝୀଙ୍କ ପୁଅ ସନ୍ତୋଷ ମାଞ୍ଝୀ । ୨୦୨୪ ଲୋକସଭା ନିର୍ବାଚନ ପାଇଁ ବିରୋଧୀଙ୍କୁ ଏକଜୁଟ କରିବା ଅଭିଯାନରେ ବିହାର ସିଏମ ଏବଂ ଜେଡିୟୁ ସୁପ୍ରିମୋ ନୀତୀଶ କୁମାର ଏକ ଅସୁବିଧାର ସମ୍ମୁଖୀନ ହୋଇଛନ୍ତି। ମନ୍ତ୍ରୀ ସନ୍ତୋଷ ମାଞ୍ଝୀ ନୀତୀଶ କ୍ୟାବିନେଟରୁ ଇସ୍ତଫା ଦେଇଛନ୍ତି। ସନ୍ତୋଷ ଜିତନ ରାମ ମଞ୍ଜୀଙ୍କ ପୁଅ ଏବଂ ଏସଟି-ଏସସି ବିଭାଗରେ ମନ୍ତ୍ରୀ ଥିଲେ। ଇସ୍ତଫା ନେଇ ସଂସଦୀୟ କାର୍ୟ୍ୟମନ୍ତ୍ରୀ ବିଜୟ କୁମାର ଚୌଧୁରୀଙ୍କୁ ସୂଚନା ଦେଇଛନ୍ତି ।
ସରକାରଙ୍କ କୌଣସି ଭାଗିଦାରୀକୁ ନେଇ ନୀତିଶ କୁମାର ଦ୍ୱାରା ମାଞ୍ଝୀଙ୍କ ସହ ଆଲୋଚନା କରିବାକୁ ବିଜୟ କୁମାର ଚୌଧୁରୀଙ୍କୁ ଦାୟିତ୍ୱ ଦିଆଯାଇଥିଲା । ସନ୍ତୋଷ ମାଞ୍ଝୀ ଇସ୍ତଫା ଦେବା ପରେ କହିଛନ୍ତି କି, ଜେଡିୟୁରେ ତାଙ୍କ ଦଳକୁ ବିଲୟ କରିବାକୁ ବାରମ୍ବାର ପ୍ରସ୍ତାବ ଦିଆଯାଉଥିଲା । ଏହାକୁ ନେଇ ସେ ଅସନ୍ତୁଷ୍ଟ ଥିଲେ ଓ ଏହି କାରଣରୁ ସେ ଇସ୍ତଫା ଦେଇଥିବା କଥା ସନ୍ତୋଷ ମାଞ୍ଝୀ କହିଛନ୍ତି । ସନ୍ତୋଷ ମାଞ୍ଝୀ ନୀତିଶ କୁମାରଙ୍କ ସରକାରରେ ଅଳ୍ପ ସଂଖ୍ୟକ କଲ୍ୟାଣ ମନ୍ତ୍ରୀ ଭାବେ ଦାୟିତ୍ୱ ତୁଲାଉଥିଲେ ।
