ଲଣ୍ଡନରେ ପାଳିତ ହେଲା ରଜପର୍ବ

ଭୁବନେଶ୍ୱର (ବଡ଼ ଖବର ବ୍ୟୁରୋ):  ଓଡ଼ିଆ ଯେଉଁଠି ଥାଏ ସେଠାରେ ରଜର ମହକ ପହଞ୍ଚିଯାଏ । ଯେମିତି ସୁଦୂର ଲଣ୍ଡନରେ ସେଲିବ୍ରେଟ ହୋଇଛି ରଜ ମହୋତ୍ସବ । ଏମକେ ଓଡ଼ିଆସ ଟିମ ପକ୍ଷରୁ ପାଳିତ ହୋଇଛି ରଜଉତ୍ସବ ।  ଓଡ଼ଗାଁରୁ ଟୁରିଷ୍ଟ ଭାବେ ଯାଇଥିବା ସନ୍ତୋଷ ପାତ୍ର ଓ ପତ୍ନୀ ଲିଲି ପାତ୍ର ପ୍ରଦୀପ ପ୍ରଜ୍ଜଳନ କରି ଏହି କାର୍ଯ୍ୟକ୍ରମକୁ ଉଦଘାଟନ କରିଥିଲେ । ଏହି କାର୍ଯ୍ୟକ୍ରମରେ ୧୬୦ ଜଣ ଓଡ଼ିଆ ଅଂଶଗ୍ରହଣ କରିଥିଲେ । ନାଚ ଗୀତ ସହିତ ଅନେକ କାର୍ଯ୍ୟକ୍ରମ ହୋଇଥିଲା । ଲଣ୍ଡନର ମେଡବର୍ଣ୍ଣ ପାଭିଲିଅନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ଏହି କାର୍ଯ୍ୟକ୍ରମରେ ଟ୍ୱିଙ୍କିଲ, ପ୍ରଶାନ୍ତ ପାତ୍ର, ରିନମ , ରିଓନା ସଙ୍ଗୀତ ପରିବେଷଣ କରିଥିବାବେଳ ବିଶ୍ୱ, ସ୍ମୃତି ଓ ରିନୋମ କାର୍ଯ୍ୟ ପରିଚାଳନା କରିଥିଲେ । କାର୍ଯ୍ୟକ୍ରମରେ ରଜ ଗୀତ ସହିତ ବିଭିନ୍ନ ନୃତ୍ୟ ପରିବେଷଣ କରାଯାଇଥିଲା ।