କର୍ଣ୍ଣାଟକ (ବଡ଼ ଖବର ବ୍ୟୁରୋ): କର୍ଣ୍ଣାଟକ ଚିକାବାଲାପୁରରେ ଘଟିଛି ଆଶ୍ଚର୍ଯ୍ୟଜନକ ଘଟଣା । ଜଣେ ବନ୍ଧୁଙ୍କ ବେକ କାଟି ରକ୍ତ ପିଇଲେ ଆଉ ଜଣେ ବନ୍ଧୁ । ଅଭିଯୁକ୍ତ ହେଲେ ବିଜୟ । ସୂଚନା ଅନୁସାରେ ବିଜୟଙ୍କ ସ୍ତ୍ରୀ ସହ ତାଙ୍କ ବନ୍ଧୁ ମରେଶଙ୍କ ଅନୈତିକ ସମ୍ପର୍କ ଥିବା ନେଇ ବିଜୟ ସନ୍ଦେହ କରୁଥିଲେ। ମରେଶଙ୍କଠାରୁ ପ୍ରତିଶୋଧ ନେବା ପାଇଁ ସେ ଗତ ୧୯ ରେ ମରେଶଙ୍କୁ ଦେଖା କରିବାକୁ ବାହାନା କରି ଡାକିଥିଲେ।
ଦେଖା ହେବା ପରେ ଦୁହିଁଙ୍କ ମଧ୍ୟରେ ଝଗଡ଼ା ହୋଇଥିଲା। ବିଜୟ ରାଗିଯାଇ ଏକ ଧାରୁଆ ଅସ୍ତ୍ରରେ ମରେଶଙ୍କ ବେକ କାଟି ରକ୍ତ ପିଇଥିଲେ। ଆହତ ଅବସ୍ଥାରେ ମରେଶଙ୍କୁ ଡାକ୍ତରଖାନା ନିଆଯାଇଥିବାବେଳେ ସେ ଏବେ ସୁସ୍ଥ ଥିବା କୁହାଯାଉଛି। ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ପୋଲିସ ବିଜୟଙ୍କୁ ଗିରଫ କରିଛି ।
