ଅଧିକ ଯାତ୍ରୀ ଥିବାରୁ ବସ୍ ଟାୟାର ଫାଟି ଦୁର୍ଘଟଣାଗ୍ରସ୍ତ

ମହାରାଷ୍ଟ୍ର (ବଡ଼ ଖବର ବ୍ୟୁରୋ): ମହାରାଷ୍ଟ୍ରରେ ଅଘଟଣ । ଜଳିଗଲା ବସ । ୨୫ ଜୀବନ୍ତ ଦଗ୍ଧ । ସମୃଦ୍ଧି ମହାମାର୍ଗ ଏକ୍ସପ୍ରେସ୍ ୱେରେ ନିଆଁ ଲାଗି ବସ୍ ଜଳିଯାଇଛି । ସୂଚନା ଅନୁସାରେ ନାଗପୁରରୁ ମୁମ୍ବାଇ ଆସୁଥିଲା ବସ୍ । ବସରେ ପାଖାପାଖି ୩୨ ଯାତ୍ରୀ ଥିଲେ । ଅଧିକ ଯାତ୍ରୀ ଥିବାରୁ ବସ୍ ଟାୟାର ଫାଟି ଦୁର୍ଘଟଣାଗ୍ରସ୍ତ ହୋଇଛି । ବସର ଡ୍ରାଇଭର ସୁରକ୍ଷିତ ଥିବା ଜଣାପଡ଼ିଛି । ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଥିଲା । ବସର ଟାୟାର ଫାଟିଯିବାରୁ ଡିଭାଇଡରରେ ମାଡ ହୋଇଥିଲା ଓ ପରେ ବସରେ ନିଆଁ ଲାଗିଯାଇଥିଲା । ଘଟଣା ପରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା ।  ୮ ଗୁରୁତର ମେଡିକାଲରେ ଚିକିତ୍ସିତ ହେଉଛନ୍ତି ।