ଛଗନ ଭୁଜବଳଙ୍କୁ ହତ୍ୟା ଧମକ, ଅଭିଯୁକ୍ତ ଗିରଫ

ମୁମ୍ବାଇ (ବଡ଼ ଖବର ବ୍ୟୁରୋ): ଏବେ ବି ଜାରି ରହିଛି ମହାରାଷ୍ଟ୍ରରେ ମହାଡ଼୍ରମା ।ଏହାରି ଭିତରେ ଆଉ ଏକ ଖବର ସାମ୍ନାକୁ ଆସିଛି । କ୍ୟାବିନେଟ ମନ୍ତ୍ରୀ ଛଗନ ଭୁଜବଲଙ୍କ ଜୀବନରୁ ମାରିଦେବାକୁ ଆସିଛି ଧମକ । ଛଗନ ଭୁଜବଳ ଏକ କାର୍ଯ୍ୟକ୍ରମରେ ଯୋଗଦେବା ପାଇଁ ପିମ୍ପ୍ରି ଚିଞ୍ଚୱାଡ ଯାଇଥିଲେ। ପରେ ଜଣେ ବ୍ୟକ୍ତି ତାଙ୍କୁ ହତ୍ୟା କରିବାକୁ ଧମକ ଦେଇଥିଲା। ଯାହାକୁ ନେଇ ଭୁଜବଳ ତୁରନ୍ତ ପୋଲିସକୁ ସୂଚନା ଦେଇଥିଲେ। ଏହି ଖବର ପ୍ରକାଶ ପାଇବା ମାତ୍ରେ ପୁଣେ କ୍ରାଇମବ୍ରାଞ୍ଚ ତଦନ୍ତ ଆରମ୍ଭ କରି ହତ୍ୟା ଧମକ ଦେବା ଅଭିଯୋଗରେ ଜଣେ ବ୍ୟକ୍ତିଙ୍କୁ ଅଟକ ରଖିଥିଲା।

ପୋଲିସ ଅଧିକାରୀ କହିଛନ୍ତି ଯେ ଅଭିଯୁକ୍ତ ଜଣକ କୋଲହାପୁରର ପ୍ରଶାନ୍ତ ପାଟିଲ ବୋଲି ଜଣାପଡିଛି। ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ ଅଭିଯୁକ୍ତମାନେ ମଦ୍ୟପାନ କରି ଫୋନରେ କ୍ୟାବିନେଟ ମନ୍ତ୍ରୀଙ୍କୁ ଧମକ ଦେଇଥିଲେ। ପୋଲିସ ସଙ୍ଗେ ସଙ୍ଗେ ଏହି କଲ୍ ଅନୁସନ୍ଧାନ କରି ଅଭିଯୁକ୍ତଙ୍କୁ ମହଦରୁ ଗିରଫ କରିଥିଲା। ପରେ ତାଙ୍କୁ ପଚରାଉଚରା ପାଇଁ ପୁନେକୁ ଅଣାଯାଇଥିଲା।