ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଉ ୨୬ ରାଫେଲ ଫାଇଟର ଏୟାରକ୍ରାଫ୍ଟ କିଣିବ ଭାରତ । ପ୍ରତିରକ୍ଷା ଅଧିଗ୍ରହଣ ପରିଷଦ ଡିଏସି ପକ୍ଷରୁ ଅନୁମୋଦନ । ୨୨ଟି ରାଫେଲ ଏମ୍ଏସ୍, ଟ୍ରେନିଂ ପାଇଁ ୪ଟି ଡବଲ ସିଟର କିଣାଯିବ । ନୌସେନା ପାଇଁ ୩ଟି ଅତିରିକ୍ତ ସବମେରାଇନ ମଧ୍ୟ କିଣାଯିବ । ଏନେଇ ଜଣେ ପ୍ରତିରକ୍ଷା ଅଧିକାରୀ ସୂଚନା ଦେଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୧୩ରୁ ୧୪ ଜୁଲାଇ ମଧ୍ୟରେ ଫ୍ରାନ୍ସ ଗସ୍ତରେ ଅଛନ୍ତି।
ପ୍ରଧାନମନ୍ତ୍ରୀ ମୋଦି ଜୁଲାଇ ୧୪ରେ ଫ୍ରାନ୍ସର ଜାତୀୟ ଦିବସରେ ମୁଖ୍ୟ ଅତିଥି ଭାବରେ ‘ବଷ୍ଟିଲ ଡେ’ ପରେଡ ସମାରୋହରେ ଯୋଗଦେବେ। ଏହି ଗସ୍ତ ସମୟରେ ପିଏମ ମୋଦି ୨୬ ରାଫେଲ ଯୁଦ୍ଧ ବିମାନ ଏବଂ ତିନୋଟି ସ୍କର୍ପିନ ବୁଡ଼ାଜାହାଜ କିଣିବା ପାଇଁ ଏକ ବିଲିୟନ ଡଲାର ଚୁକ୍ତି ଘୋଷଣା କରିପାରନ୍ତି।
