ଗଞ୍ଜାମ(ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲା ଭଞ୍ଜନଗର ଜେଲରେ ଜଣେ ବିଚାରଧୀନ କଏଦୀଙ୍କର ମୃତ୍ୟୁ ହୋଇଛି । ମୃତ କଏଦୀ ଜଣଙ୍କ ହେଲେ ତନରଡା ଗ୍ରାମର ଚରଣ ବେହେରା(୪୦) । ଏକ ଚୋରି ମାମଲାରେ ବେଲଗଣ୍ଠା ପୋଲିସ ତାଙ୍କୁ ୫ ଦିନ ପୁର୍ବରୁ ଗିରଫ କରି କୋର୍ଟ ଚାଲାଣ କରିଥିଲା ।
ଆଜି ସକାଳୁ କଏଦୀ ଜଣଙ୍କ ଅଚେତ ହୋଇଯିବା ଦେଖି ଜେଲ କର୍ତ୍ତୁପକ୍ଷ ଭଞ୍ଜନଗର ମେଡିକାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପରିବାର ଲୋକେ ଖବର ପାଇ ଭଞ୍ଜନଗର ମେଡ଼ିକାଲ ପହଞ୍ଚିଥିଲେ। ମୃତଦେହର ବିଭିନ୍ନ ସ୍ଥାନରେ କ୍ଷତ ଚିହ୍ନ ଥିବା ଦେଖି ଜେଲରେ ପିଟିପିଟି ହତ୍ୟା କରାଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ।
ଚରଣଙ୍କ ତିନୋଟି ପୁଅ ଝିଅ ରହିଛନ୍ତି ସେମାନଙ୍କ ଭରଣ ପୋଷଣ ଲାଗି କ୍ଷତିପୂରଣ ଦାବି କରିବା ସହିତ ଉଚ୍ଚସ୍ତରୀୟ ତଦନ୍ତ କରି ପରିବାର ଲୋକଙ୍କୁ ନ୍ୟାୟ ପାଇଁ ଦାବି କରାଯାଇଛି ।
