ଫିଲ୍ମ ‘ପ୍ରୋଜେକ୍ଟ-କେ’, ଫାଷ୍ଟ୍ ଲୁକର ଝଲକ୍ ସେୟାର କଲେ ଦୀପିକା

ମୁମ୍ବାଇ(ବଡ଼ ଖବର ବ୍ୟୁରୋ)୨୦୨୪ ରେ ରିଲିଜ୍ ହେବାକୁ ଯାଉଛି ‘ପ୍ରୋଜେକ୍ଟ-କେ’ । ଏହା ମଧ୍ୟରେ ଫିଲ୍ମର ନିର୍ମାତାମାନେ ଅଭିନେତ୍ରୀ ଦୀପିକା ପାଦୁକୋନଙ୍କ ପ୍ରଥମ ଲୁକ୍ ପ୍ରକାଶ କରିଦେଇଛନ୍ତି । ଅଭିନେତା ପ୍ରଭାସଙ୍କ ଆଗାମୀ ଫିଲ୍ମ ‘ପ୍ରୋଜେକ୍ଟ-କେ’ ଦମଦାର ଫିଲ୍ମ ମଧ୍ୟରୁ ଗୋଟିଏ ହେବ ବୋଲି କୁହାଯାଉଛି ।

ଚଳଚ୍ଚିତ୍ରରେ ଅମିତାଭ ବଚ୍ଚନ, କମଲ ହାସନ, ଦିଶା ପଟାନୀ ମଧ୍ୟ ଖୁବ୍ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିବେ ବୋଲି ଜଣାପଡିଛି । ‘ପ୍ରୋଜେକ୍ଟ-କେ’ପୋଷ୍ଟର ରିଲିଜ୍ ପରେ ଦୀପିକା ପାଦୁକୋନଙ୍କ ଇନ୍ଟେନ୍ସ ଲୁକ୍ ଦେଖିବାକୁ ମିଳିଛି । ପ୍ରଭାସ, ନାଗ ଅଶ୍ୱିନୀ ଓ କମଲ ହାସନଙ୍କ ସହ ଦୀପିକାଙ୍କ ଏହା ପ୍ରଥମ ଫିଲ୍ମ ହେବାକୁ ଯାଉଛି ।

ଫିଲ୍ମର ଟାଇଟଲ୍ଟି କଣ ରହିବ? ତାହାନେଇ ଫ୍ୟାନ୍ସମାନେ ଅଧିକ ଉତ୍ସାହିତ ଥିବା ସହ ଏହାର ଚର୍ଚ୍ଚା ସମଗ୍ର ସୋସିଆଲ୍ ମିଡିଆରେ ଦେଖିବାକୁ ମିଳୁଛି । କୁହାଯାଉଛି ଯେ ଫିଲ୍ମଟି ୧୨ ଜାନୁୟାରୀ ୨୦୨୪ ରେ ହିନ୍ଦୀ, ତେଲେଗୁ, ତାମିଲ, କନଡ, ମାଲୟାଲମରେ ରିଲିଜ୍ ହେବ ।