Masthead

ଭଗବାନ ପର୍ଶୁରାମଙ୍କୁ ବିଧାୟକଙ୍କ ଅପମାନ, ୧୨ ଘଣ୍ଟା ବନ୍ଦ ରହିଲା ପାଟଣାଗଡ଼

ପାଟଣାଗଡ଼ (ବଡ଼ ଖବର ବ୍ୟୁରୋ): ଅସମ୍ମାନର ସୀମା ଟପିଗଲେ ବିଧାୟକ । ମହିଳା ସାଂସଦ, ସାମ୍ବାଦିକ ପରେ ସ୍ଵୟଂ ଭଗବାନଙ୍କୁ ବି ଛାଡିଲେନି ଓ ପର୍ଶୁରାମଙ୍କ ଫଟୋ କାଢ଼ି ସେଠାରେ ବିଜୁ ବାବୁଙ୍କ ମୂର୍ତ୍ତୀ ସ୍ଥାପନ କରି ପୁଣି ବିବାଦରେ ବିଧାୟକ ସରୋଜ ମେହେର । ଏପରିକି ଏନଏସିର ବିନା ଅନୁମତିରେ ମନମାନି କରି ମୂର୍ତ୍ତି ବସାଇବା ଘଟଣାକୁ ବିଭିନ୍ନ ମହଲରେ ତୀବ୍ର ନିନ୍ଦା କରାଯାଉଛି । ଗତକାଲି ବିକ୍ଷୋଭ ପରେ ଆଜି ବାର ଘଣ୍ଟିଆ ପାଟଣାଗଡ଼ ବନ୍ଦ ପାଳନ କରାଯାଇଛି । ଯେଉଁଥିରେ ୨୦ ରୁ ଅଧିକ ସଂଗଠନ ସହ ବିଭିନ୍ନ ରାଜନୈତିକ ଦଳର ନେତା ସାମିଲ ହୋଇ ସମର୍ଥନ ଜଣାଇଛନ୍ତି । ଭାଗବାନଙ୍କୁ ଅପମାନର ଇଏ ହେଉଛି ପ୍ରତିଫଳନ ।

ବିଧାୟକଙ୍କ ଆଚରଣରେ କ୍ଷୁବ୍ଧ ଜନତା ଆନ୍ଦୋଳନ କରିବା ସହ ବାର ଘଣ୍ଟିଆ ପାଟଣାଗଡ ବନ୍ଦ ପାଳନ କରିଛନ୍ତି । ଭଗବାନ ପର୍ଶୁରାମଙ୍କୁ ବିଧାୟକ ସରୋଜ ମେହେର ଅସମ୍ମାନ କରିଥିବା ପ୍ରତିବାଦରେ ଆଜି ପାଟଣାଗଡ ବନ୍ଦ ପାଳନ କରିଛି ହିନ୍ଦୁ ସମାଜ । ସହରର ଦୋକାନ ବଜାର, ସ୍କୁଲ କଲେଜ, ସରକାରୀ, ବେସରକାରୀ ପ୍ରତିଷ୍ଠାନ ବନ୍ଦ ସହ ଗାଡି ମଟର ସମ୍ପୂର୍ଣ୍ଣ ଠପ ହୋଇଯାଇଛି । ଆନ୍ଦୋଳନକୁ ସହରର ଲୋକେ ସ୍ଵତଃସ୍ପୃତ ଭାବେ ସମର୍ଥନ କରିବା ସହ ଏଥିରେ ୨୦ରୁ ଅଧିକ ସଂଗଠନ ସାମିଲ ହୋଇଛନ୍ତି । ବ୍ରହ୍ମପୁରା ଛକରେ ପର୍ଶୁରାମଙ୍କ ଫଟୋକୁ ହଟାଇ ବିଜୁ ବାବୁଙ୍କ ମୂର୍ତ୍ତୀ ସ୍ଥାପନକୁ ନେଇ ଏବେ ଅଡୁଆରେ ବିଧାୟକ । ତାଙ୍କ ଆଚରଣ ଓ କାର୍ୟ୍ୟଧାରା ପ୍ରତିବାଦରେ ଲୋକେ ଆନ୍ଦୋଳନକୁ ଓଲାଇ ଅସନ୍ତୋଷ ପ୍ରକାଶ କରିଛନ୍ତି ।

ଏବଂ ସେ ବିବାଦୀୟ ଜାଗାରୁ ବିଜୁ ବାବୁଙ୍କ ମୂର୍ତ୍ତି ହଟାଇ ଭଗବାନ ପର୍ଶୁରାମଙ୍କ ଫଟୋ ପୁନଃ ସ୍ଥାପନ କରା ଗଲା ନଗଲେ ଆନ୍ଦୋଳନ ତୀବ୍ରତର ହେବ ବୋଲି ଚେତାବନୀ ଦିଆଯାଇଛି । କେବଳ ବିଭିନ୍ନ ସଂଗଠନ ନୁହେଁ, ଏହି ଆନ୍ଦୋଳନରେ ବିଜେପି, ବିଜେଡି ଓ କଂଗ୍ରେସ ଦଳର ନେତାମାନେ ମଧ୍ୟ ସାମିଲ ହୋଇଥିଲେ । ଭଗବାନ ପର୍ଶୁରାମଙ୍କ ଫଟୋକୁ ହଟାଇ ସେଠାରେ ପ୍ରବାଦ ପୁରୁଷଙ୍କ ମୂର୍ତ୍ତୀ ସ୍ଥାପନ ଘଟଣାକୁ ନିନ୍ଦା କରାଯାଇଛି ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 ଡ୍ରାଇଭର ଆନ୍ଦୋଳନ, ରାତି ସୁଦ୍ଧା ସମାଧାନ 🔴 ପୁଣି ଶ୍ରୀମନ୍ଦିର ଭିତର ଫଟୋ ଭାଇରାଲ 🔴 ବ୍ୟାପିଲା ଝାଡ଼ାବାନ୍ତି, ୬୦ ଆକ୍ରାନ୍ତ 🔴 ତୃତୀୟ ଦିନରେ ପହଞ୍ଚିଲା ଡ୍ରାଇଭରଙ୍କ ଷ୍ଟିଅରିଂ ଛାଡ଼ ଆନ୍ଦୋଳନ 🔴 ପେଟ୍ରୋଲ ପମ୍ପରେ ତେଲ ସଙ୍କଟ! 🔴 ଆଜି ଦେଶବ୍ୟାପୀ ଶ୍ରମିକ ସଙ୍ଗଠନର ‘ଭାରତ ବନ୍ଦ’ ଡାକରା 🔴 ନୀଳକନ୍ଦରକୁ ବିଜେ କଲେ ନୀଳମଣି, ଆଜିଠୁ ଭକ୍ତଙ୍କୁ ମିଳିବ ନୀଳାଚଳ ଅବଢ଼ା 🔴 ଜନ୍ମବେଦୀରେ ସରିଲା ଲୀଳାଖେଳା, ନୀଳକନ୍ଦରକୁ ଫେରିବେ ନୀଳମଣି 🔴 ରାଜ୍ୟରେ ଡ୍ରାଇଭରଙ୍କ ଷ୍ଟିଅରିଂ ଛାଡ଼ ଆନ୍ଦୋଳନ 🔴 ମନମୋହନ ରିପିଟ୍ 🔴 ଡ୍ରାଇଭର ଆନ୍ଦୋଳନ, ରାତି ସୁଦ୍ଧା ସମାଧାନ 🔴 ପୁଣି ଶ୍ରୀମନ୍ଦିର ଭିତର ଫଟୋ ଭାଇରାଲ 🔴 ବ୍ୟାପିଲା ଝାଡ଼ାବାନ୍ତି, ୬୦ ଆକ୍ରାନ୍ତ 🔴 ତୃତୀୟ ଦିନରେ ପହଞ୍ଚିଲା ଡ୍ରାଇଭରଙ୍କ ଷ୍ଟିଅରିଂ ଛାଡ଼ ଆନ୍ଦୋଳନ 🔴 ପେଟ୍ରୋଲ ପମ୍ପରେ ତେଲ ସଙ୍କଟ! 🔴 ଆଜି ଦେଶବ୍ୟାପୀ ଶ୍ରମିକ ସଙ୍ଗଠନର ‘ଭାରତ ବନ୍ଦ’ ଡାକରା 🔴 ନୀଳକନ୍ଦରକୁ ବିଜେ କଲେ ନୀଳମଣି, ଆଜିଠୁ ଭକ୍ତଙ୍କୁ ମିଳିବ ନୀଳାଚଳ ଅବଢ଼ା 🔴 ଜନ୍ମବେଦୀରେ ସରିଲା ଲୀଳାଖେଳା, ନୀଳକନ୍ଦରକୁ ଫେରିବେ ନୀଳମଣି 🔴 ରାଜ୍ୟରେ ଡ୍ରାଇଭରଙ୍କ ଷ୍ଟିଅରିଂ ଛାଡ଼ ଆନ୍ଦୋଳନ 🔴 ମନମୋହନ ରିପିଟ୍