ଆଦିବାସୀ ମହିଳାଙ୍କୁ ଉଲଗ୍ନ କରି ପରେଡ କରିବା ଅମାନବୀୟ ଘଟଣା: ସ୍ମୃତି ଇରାନୀ

ଇମ୍ଫାଲ  (ବଡ଼ ଖବର ବ୍ୟୁରୋ):   ମଣିପୁର ହିଂସା ଥମିବାକୁ ନାଁ ନେଉ ନଥିବା ବେଳେ ଦୁଇ ଆଦିବାସୀ ମହିଳାଙ୍କୁ ଉଲଗ୍ନ କରି ପରେଡ କରିବା ଘଟଣାର ଭିଡିଓ ଭାଇରାଲ ହୋଇଛି। ଏ ଘଟଣାକୁ ନେଇ ବିଭିନ୍ନ ମହଲରେ ତୀବ୍ର ନିନ୍ଦା କରାଯାଇଛି। ତେବେ ଏ ଘଟଣା ପରେ ବିରୋଧି ମୁଖ୍ୟମନ୍ତ୍ରୀ ଏନ ବିରେନ ସିଂଙ୍କ ଇସ୍ତଫା ଦାବି କରୁଛନ୍ତି। ତେବେ ଏସବୁ ମଧ୍ୟରେ କେନ୍ଦ୍ର ସରକାର ସୋସିଆଲ ମିଡିଆରେ ମହିଳାଙ୍କ ଦିଆଯାଇଥିବା ଅକଥନୀୟ ନିର୍ଯାତନା ଭିଡିଓକୁ ସେୟାର କରିବାକୁ ବାରଣ କରିଛନ୍ତି ।

ସେପଟେ ଭିଡିଓ ସାମ୍ନାକୁ ଆସିବା ପରେ ମହିଳା ଓ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ କହିଛନ୍ତି ଯେ ଏହା ଏକ ଅମାନବୀୟ ଘଟଣା। ମୁଁ ସିଏମଙ୍କ ସହିତ କଥାବାର୍ତ୍ତା କରିଛି । ଖୁବ୍ ଶୀଘ୍ର ଅଭିଯୁକ୍ତକୁ ଗିରଫ କରାଯିବ। ଏଥିସହ ଏଏସପି କହିଛି ଯେ ଘଟଣାର ତଦନ୍ତ କରାଯାଉଛି। ତେବେ ବିରୋଧୀ ଏହି ପ୍ରସଙ୍ଗରେ ସକ୍ରିୟ ହୋଇପଡିଛନ୍ତି। ଅନ୍ୟପଟେ ପଶ୍ଚିମବଙ୍ଗର ଟିଏମସି ସାଂସଦ କହିଛନ୍ତି ଯେ ସେ ସଂସଦର ମୌସୁମୀ ଅଧିବେଶନରେ ଏହି ପ୍ରସଙ୍ଗ ଉଠାଇବେ।

ଟିଏମସି କର୍ମଚାରୀ ମଣିପୁରର କିଛି ରିଲିଫ କ୍ୟାମ୍ପ ପରିଦର୍ଶନ କରିଥିଲେ। ଏହା ସହିତ ସେ ରାଜ୍ୟପାଳ ଅନୁସୁୟା ଉକିଙ୍କୁ ଭେଟିଥିଲେ। ଏହା ବ୍ୟତୀତ ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀ ମଧ୍ୟ ଏହି ପ୍ରସଙ୍ଗରେ ବିଜେପି ଏବଂ ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ କରିଛନ୍ତି।