ଏମର୍ଜିଂ ଏସିଆ କପ ଫାଇନାଲରେ ଭାରତ-ପାକ୍, ଆସନ୍ତାକାଲି ହେବ ମୁକାବିଲା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଏସିସି ଏମର୍ଜିଂ କପ ଫାଇନାଲରେ ଭାରତ ଏ ପ୍ରବେଶ କରିସାରିଛି । ଏସୀୟ କ୍ରିକେଟର ମହାକୁମ୍ଭ ୩୦ ଅଗଷ୍ଟରୁ ଆରମ୍ଭ ହେବ। ୨୦୨୩ ଏସିଆ କପରେ ଭାରତ ଏବଂ ପାକିସ୍ତାନ ମଧ୍ୟରେ ୨ ସେପ୍ଟେମ୍ବରରେ ଏକ ବଡ଼ ମ୍ୟାଚ ଖେଳାଯିବ। ଚଳିତ ବର୍ଷ ଏସିଆ କପ ପାକିସ୍ତାନ ଏବଂ ଶ୍ରୀଲଙ୍କାରେ ଅନୁଷ୍ଠିତ ହେବ। ଏହାପୂର୍ବରୁ ଶ୍ରୀଲଙ୍କାରେ ୨୦୨୩ ଏମର୍ଜିଂ ଏସିଆ କପ ମ୍ୟାଚ ଖେଳାଯାଉଛି। ଏହି ଟୁର୍ଣ୍ଣାମେଣ୍ଟ ମଧ୍ୟ ଏହାର ଶେଷ ପର୍ୟ୍ୟାୟରେ ଅଛି।
ଭାରତ-ଏ ଏବଂ ପାକିସ୍ତାନ-ଏ ଦଳ ୨୦୨୩ ଏମର୍ଜିଂ ଏସିଆ କପ ଫାଇନାଲରେ ପ୍ରବେଶ କରିଛନ୍ତି। ଉଭୟ ଦଳ ନିଜ ନିଜ ସେମିଫାଇନାଲ ମ୍ୟାଚରେ ଆକର୍ଷଣୀୟ ବିଜୟ କରିଥିଲେ। ବର୍ତ୍ତମାନ ଉଭୟ ଦଳ ଆସନ୍ତାକାଲି ଅର୍ଥାତ୍ ରବିବାର ଟାଇଟଲ ମ୍ୟାଚ ଖେଳିବେ। ୨୦୨୩ ଏମର୍ଜିଂ ଏସିଆ କପର ପ୍ରଥମ ସେମିଫାଇନାଲ ମ୍ୟାଚ ପାକିସ୍ତାନ-ଏ ଏବଂ ଶ୍ରୀଲଙ୍କା-ଏ ମଧ୍ୟରେ ଖେଳାଯାଇଥିଲା। ଏହି ମ୍ୟାଚରେ ପାକିସ୍ତାନ-ଏ ଦଳ ସହଜରେ ଜିତିଥିଲା। ପ୍ରଥମେ ଖେଳିବା ପରେ ପାକିସ୍ତାନ-ଏ ୫୦ ଓଭରରେ ୩୨୨ ରନ ସଂଗ୍ରହ କରିଥିଲା। ଏହାର ଜବାବରେ ଶ୍ରୀଲଙ୍କା-ଏ ଦଳ ୪୫.୪ ଓଭରରେ ମାତ୍ର ୨୬୨ ରନ ସ୍କୋର କରିପାରଥିଲା।
