![](https://i0.wp.com/badakhabar.in/wp-content/uploads/2023/07/taaaaliii.jpg?fit=1280%2C720&ssl=1)
ମୁମ୍ବାଇ (ବଡ଼ ଖବର ବ୍ୟୁରୋ): ଟ୍ରାନ୍ସଜେଣ୍ଡର ଶ୍ରୀଗୌରୀ ସାୱନ୍ତଙ୍କ କାହାଣୀ ପ୍ରଦର୍ଶନ କରିବାକୁ ସୁସ୍ମିତା ସେନ ପ୍ରସ୍ତୁତ ଅଛନ୍ତି । ତେବେ ୱେବ ସିରିଜ୍ ‘ତାଲି’ର ଟିଜର ରିଲିଜ ହୋଇଛି। ଏହା ସହ ସିରିଜର ରିଲିଜ ତାରିଖ ମଧ୍ୟ ପ୍ରକାଶ ପାଇଛି । ଆଗକୁ ସୁସ୍ମିତା ତାଙ୍କର ଦମଦାର ପ୍ରୋଜେକ୍ଟ ସହ ଲୋକଙ୍କ ହୃଦୟ ଜିତିବାକୁ ଯାଉଛନ୍ତି । ଏହି ସିରିଜରେ ଅଭିନେତ୍ରୀ ସୁସ୍ମିତା , ଗୌରୀଙ୍କ ଭୂମିକାରେ ନଜର ଆସିବେ । ସୁସ୍ମିତା ଏହି ଟିଜରଟି ତାଙ୍କ ଇନଷ୍ଟାଗ୍ରାମରେ ପୋଷ୍ଟ କରି ତାଙ୍କ ଫ୍ୟାନ୍ସମାନଙ୍କୁ ଜଣାଇଥିଲେ । ସେ ଏହାର କ୍ୟାପସନରେ ଲେଖିଛନ୍ତି ଯେ ‘ଦୁର୍ବ୍ୟବହାରରୁ କରତାଳି ପର୍ଯ୍ୟନ୍ତ ଯାତ୍ରାର ଏହି କାହାଣୀ ।’
ଭାରତରେ ତୃତୀୟ ଲିଙ୍ଗ ପାଇଁ ଶ୍ରୀଗୌରୀଙ୍କ ସଂଗ୍ରାମର କାହାଣୀ ଏହି ସିରିଜରେ ଉପସ୍ଥାପନା କରାଯାଇଛି । ଟିଜର ରିଲିଜ କରିବା ସହ ସୁସ୍ମିତା ଏହାର ରିଲିଜ ତାରିଖ ମଧ୍ୟ ଉନ୍ମୋଚନ କରିଛନ୍ତି । ସ୍ୱାଧୀନତା ଦିବସ ଅବସରରେ ସୁସ୍ମିତାଙ୍କ ସିରିଜ୍ ‘ତାଲି’ ଅଗଷ୍ଟ ୧୫ରେ ମୁକ୍ତିଲାଭ କରିବ । ଜିଓ ସିନେମାରେ ଏହି ସିରିଜଟି ଷ୍ଟ୍ରିମ୍ ହେବ ।