ଫିଲ୍ମ ‘ଅକେଲି’କୁ ନେଇ ଖୁବ ଚର୍ଚ୍ଚାରେ ଅଛନ୍ତି ନୁସରତ
ମୁମ୍ବାଇ(ବଡ଼ ଖବର ବ୍ୟୁରୋ); ଅଭିନେତ୍ରୀ ନୁସରତ ଭାରୁଚା ନିଜର ଦମଦାର ଅଭିନୟ ପାଇଁ ଖୁବ ଜଣାଶୁଣା । ସେ ନିଜର ଦୃଢ ଅଭିନୟ ଆଧାରରେ ବଲିଉଡରେ ଏକ ଭିନ୍ନ ପରିଚୟ ସୃଷ୍ଟି କରିଛନ୍ତି । ବର୍ତ୍ତମାନ ସେ ନିଜର ଆଗାମୀ ଫିଲ୍ମ ‘ଅକେଲି’କୁ ନେଇ ଖୁବ ଚର୍ଚ୍ଚାରେ ଅଛନ୍ତି । ସେ କିଛିଦିନ ପୂର୍ବରୁ ଏହି ଫିଲ୍ମର ସୁଟିଂ ସମାପ୍ତ କରିଛନ୍ତି । ସେ ନିଜ ସୋସିଆଲ ମିଡିଆରେ ପୋଷ୍ଟ କରି ଏହି ଫିଲ୍ମ ବିଷୟରେ ଜଣାଇଥିଲେ । ନୁସରତଙ୍କ ପ୍ରଶଂସକମାନେ ତାଙ୍କ ବହୁ ପ୍ରତୀକ୍ଷୀତ ଚଳଚ୍ଚିତ୍ରକୁ ଉତ୍ସାହର ସହ ଅପେକ୍ଷା କରିଛନ୍ତି ।
ଏଥି ସହିତ ଫିଲ୍ମର ନିର୍ମାତାମାନେ ଫିଲ୍ମ ‘ଅକେଲି’ର ଟିଜର ରିଲିଜ କରିଦେଇଛନ୍ତି । ଏହା ସହିତ ସେ ଫିଲ୍ମର ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି। ଜୁଲାଇ ୨୮ରେ ଏହି ଫିଲ୍ମର ଟିଜରଟି ରିଲିଜ ହୋଇଥିଲା । ରିପୋର୍ଟ ଅନୁସାରେ ଏହି ଫିଲ୍ମଟି ଅଗଷ୍ଟ ୧୮ରେ ରିଲିଜ ହେବାକୁ ଯାଉଛି । ନୁସରତ ନିଜ ଫିଲ୍ମ ପାଇଁ ଅତ୍ୟନ୍ତ ଉତ୍ସାହିତ ଥିବା ବେଳେ ତାଙ୍କ ଫ୍ୟାନ୍ସମାନଙ୍କୁ ତାଙ୍କ ସହ ଯୋଡି ହୋଇ ରହିବାକୁ କହିଛନ୍ତି ।