୧୯ ଦେଶୀ ବନ୍ଧୁକ ସମର୍ପଣ କଲେ ଲୋକେ

କରଞ୍ଜିଆ (ବଡ଼ ଖବର ବ୍ୟୁରୋ): ବିଭିନ୍ନ ସମୟରେ ଶିମିଳିପାଳ ରେ ଶିକାରୀଙ୍କ ଦୌରତ୍ମ୍ୟ ବଢ଼ିବାରେ ଲାଗିଛି। ଯେଉଁଥିପାଇଁ ଗତ ଦିନରେ ଦୁଇ ବନ କର୍ମଚାରୀ ଶିକାରୀ ଗୁଳିରେ ପ୍ରାଣ ହରାଇଥିଲେ। ତେଣୁ ଜୁଲାଇ ୨୧ ତାରିଖରେ ପୋଲିସ ଓ ବନ ବିଭାଗ ଦେଶୀ ବନ୍ଧୁକ ସମର୍ପଣ ଅଭିଯାନ ମାଧ୍ୟମରେ ବେଆଇନ ବନ୍ଧୁକ ଯଦି କାହା ପାଖରେ ଥାଏ ତାହାଲେ ତାକୁ ପ୍ରଶାସନକୁ ସମର୍ପଣ କରିବାକୁ ଶିମିଳିପାଳ ପାଦଦେଶରେ ବସବାସ କରୁଥିବା ଲୋକଙ୍କୁ ବୁଝାଇଥିଲେ।

ଅଭିଯାନ ଫଳ ସ୍ୱରୂପ ଜୁଲାଇ ୩୧ ତାରିଖରେ କରଞ୍ଜିଆ ଉପଖଣ୍ଡ ଆରକ୍ଷୀ ଅଧିକାରୀଙ୍କ ସୂଚନା ମୁତାବକ ଠାକୁରମୁଣ୍ଡା ଅଞ୍ଚଳରୁ ୧୮ ଟି ଓ କରଞ୍ଜିଆ ଅଞ୍ଚଳରୁ ଗୋଟିଏ ବନ୍ଧୁକ ସମର୍ପଣ ହେଇଛି। ଏହି ବନ୍ଧୁକ ସମର୍ପଣ ଆଗାମୀ ଦିନରେ ଶିମିଳିପାଳକୁ ସୁରକ୍ଷା ଦେବ ।