ସାପ ଆତଙ୍କରେ ଭୟଭୀତ ଅଂଚଳବାସୀ

ସୋର (ବଡ଼ ଖବର ବ୍ୟୁରୋ): ପୁଣି ସାପ ଆତଙ୍କ ୨୪ ଘଣ୍ଟାରେ ୨୦ ରୁ ଉର୍ଦ୍ବ ପୁରୁଷ ଓ ମହିଳାଙ୍କୁ ଦଂଶିଲା ସାପ । ସୋର ପୌରାଞ୍ଚଳ ଓ ଗ୍ରାମାଞ୍ଚଳର ବିଭିନ୍ନ ଅଂଚଳରେ ସାପର ଆତଙ୍କ ଦେଖା ଦେଇଛି। ଏଥିପାଇଁ ଲୋକେ ଭୟଭୀତ ମଧ୍ୟ ଅଛନ୍ତି। ଗତ କିଛିଦିନ ତଳେ ଏହି ପରି ସାପ ଆତଙ୍କ ଦେଖାଯାଇଥିଲା। ସେତେବେଳେ ଦୁଇ ଦିନରେ ଉଭୟ ପୁରୁଷ ଓ ମହିଳା ୨୦ ଜଣରୁ ଉର୍ଦ୍ବ ସାପ ଦଂଶନର ଶିକାର ହୋଇ ସୋର ଡାକ୍ତରଖାନାରେ ରକ୍ତ ନମୁନା ଦେଇଥିବା ଜଣାପଡିଛି। ସୋରର ବିଭିନ୍ନ ଅଞ୍ଚଳରୁ ୨୦ରୁ ଅଧିକ ଲୋକ ସାପ ଦଂଶନ ପାଇଁ ଡାକ୍ତରଖାନାକୁ ଆସି ରକ୍ତ ନମୁନା ଦେଇଛନ୍ତି । ଏହାଛଡା ସାପ ଦଂଶନରେ ଗତ ଏକ ମାସ ମଧ୍ୟରେ ତିନିଜଣଙ୍କ ମୃତ୍ୟୁ ହୋଇଥିବା ବେଳେ ଶତାଧିକ ଲୋକ ଦଂଶନର ଶିକାର ହୋଇଛନ୍ତି। ତେଣୁ ସୋର ଅଂଚଳରେ ଭୟର ବାତାବରଣ ଖେଳିଯାଇଛି।