ବାସୁଦେବପୁର, (ବଡ଼ ଖବର ବ୍ୟୁରୋ): ପୋଖରୀରେ ଗାଧୋଉଥିବା ବେଳେ ବୁଡ଼ିଯାଇ ଜଣେ ଯୁବକଙ୍କ ମୃତ୍ୟୁ। ଏଭଳି ଘଟଣା ଘଟିଛି, ଭଦ୍ରକ ଜିଲ୍ଲା ବାସୁଦେବପୁର ୧୯ନଂ ୱାର୍ଡ ବାଷଠି ଗ୍ରାମରେ। ଗ୍ରାମର ଗୋବିନ୍ଦ ଷେଣ୍ଢଙ୍କ ୧୮ ବର୍ଷର ପୁଅ ସୁମନ ଗୌରବ ଷେଣ୍ଢଙ୍କର ଆଜି ପୋଖରୀରେ ବୁଡ଼ି ମୃତ୍ୟୁ ହୋଇଛି। ଆଜି ତାଙ୍କ ସମ୍ପର୍କୀୟ ଜେଜେ ମା’ଙ୍କ ଶୁଦ୍ଧିକ୍ରିୟା ହେଉଥିଲା । ସୁମନ ଲଣ୍ଡା ହୋଇ ନିକଟସ୍ଥ ହୁର୍ଷା ପୋଖରୀକୁ ଗାଧୋଇବାକୁ ଯାଇଥିବା ସମୟରେ ଅସାବଧାନତା ଯୋଗୁ ପୋଖରୀ ଭିତରକୁ ପଳାଇ ଯାଇଥିଲେ। ପହଁରା ଜାଣି ନ ଥିବାରୁ ପାଣିରେ ବୁଡ଼ିଯାଇଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ବାସୁଦେବପୁର ମେଡିକାଲ ଆଣିଥିଲେ। କିନ୍ତୁ ଡାକ୍ତର ମୃତ ଘୋଷଣା କରିଥିଲେ।
