ମୁମ୍ବାଇ (ବଡ଼ ଖବର ବ୍ୟୁରୋ): ପୁଣେରେ ଶରଦ ପାୱାର ଏବଂ ଏନସିପିର ବିଦ୍ରୋହୀ ଦଳର ନେତା ଅଜିତ ପାୱାରଙ୍କ ମଧ୍ୟରେ ହୋଇଥିବା ସାକ୍ଷାତ ମହାରାଷ୍ଟ୍ରରେ ରାଜନୀତି ସରଗରମ ହୋଇଥିଲା। ଏବେ ଶରଦ ପାୱାରଙ୍କ ରାଲି ପୂର୍ବରୁ ଦଳର ବିଦ୍ରୋହୀ ଅଜିତ ପାୱାରଙ୍କ ଗୋଷ୍ଠୀ ତାଙ୍କୁ ସ୍ୱାଗତ କରିବା ପାଇଁ ପୋଷ୍ଟର ଲଗାଇଛନ୍ତି। ପାର୍ଲିରେ ଶରଦ ପାୱାରଙ୍କ ସମାବେଶର କିଛି ଘଣ୍ଟା ପୂର୍ବରୁ ଉଭୟ ପାୱାରଙ୍କ ଫଟୋ ଥିବା ଏନସିପି ପୋଷ୍ଟର ସବୁ ବିଡରେ ଲଗାଯାଇଛି। ଏଥିରେ ଶରଦଙ୍କଠାରୁ ରାଜନୈତିକ ଭାବେ ଅଲଗା ହୋଇଥିବା ଅଜିତଙ୍କୁ ‘ଆଶୀର୍ବାଦ’ ଦେବାକୁ ମଧ୍ୟ ଅନୁରୋଧ କରାଯାଇଛି।
ମହାରାଷ୍ଟ୍ରର ବିରୋଧୀ ଦଳ ମହାବିକାଶ ଅଗାଡି (ଏମ୍ଭିଏ) – କଂଗ୍ରେସ, ଶିବସେନା (ଉଦ୍ଧବ ଠାକରେ ଦଳ) ଏବଂ ଏନସିପି (ଶରଦ ପାୱାର ଦଳ) ମଧ୍ୟରେ ଚାଲିଥିବା ବାକ୍ଯୁଦ୍ଧ ମଧ୍ୟରେ ଏହି ପୋଷ୍ଟରଗୁଡିକ ଜାରି କରାଯାଇଛି। ସେପଟେ ଶରଦ ଓ ଅଜିତଙ୍କ ଗୁପ୍ତ ବୈଠକକୁ ନେଇ ଚର୍ଚ୍ଚା ଜୋର ଧରିଛି । ଶନିବାର ପୁଣେରେ ଜଣେ ବ୍ୟବସାୟୀଙ୍କ ବାସଭବନରେ ଶରଦ ପାୱାର ଏବଂ ଅଜିତ ପାୱାରଙ୍କୁ ଭେଟିଥିଲେ।
