ବଡବନ୍ଧକେରା ଗ୍ରାମରେ ବୋମାମାଡ, ଛିଣ୍ଡିଲା ଯୁବକଙ୍କ ହାତ

ବ୍ରହ୍ମଗିରି (ବଡ଼ ଖବର ବ୍ୟୁରୋ): ବ୍ରହ୍ମଗିରି ଥାନା ବଡବନ୍ଧକେରା ଗ୍ରାମରେ ବୋମାମାଡ । ଜଣେ ଆହତ ଜଣେ ଗୁରୁତର। ବ୍ରହ୍ମଗିରି ବଡବନ୍ଧକେରା ଗ୍ରାମରେ ମଙ୍ଗଳବାର ରାତି ପ୍ରାୟ ୯ଟା ସମୟରେ ଭୋଜି ଚାଲିଥିବା ସମୟରେ ପୂର୍ବ ଶତ୍ରୁତାକୁ କେନ୍ଦ୍ରକରି ଦୁଇଗୋଷ୍ଠି ମଧ୍ୟରେ ହାତାହାତି ହୋଇଥିଲେ, କ୍ରମଶଃ ଏହା ହାତାହାତିରୁ ବୋମାବର୍ଷଣ ପର୍ଯ୍ୟନ୍ତ ପହଁଞ୍ଚିଥିଲା ।

ବୋମାମାଡରେ ଉକ୍ତ ଗ୍ରାମର ମନୋଜ ପାଣିଙ୍କ ବାମ ହାତ ଛିଣ୍ଡି ପଡିଥିବା ବେଳେ ମୁଣ୍ଡରେ ଶକ୍ତ ଆଘାତ ଲାଘିଛି । ତାଙ୍କୁ ଗୁରୁତର ଭାବରେ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ତାନାନ୍ତର କରାଯାଇଛି । ସାମାନ୍ୟ ଆଘାତ ହୋଇ ସେହି ଗ୍ରାମର ଭାଗୀରଥି ପରିଡା ରେବଣା ନୁଆଗାଁ ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଥିବା ସୂଚନା ମିଳିଛି। ଆଇନଶୃଙ୍ଖଳା ବ୍ୟବସ୍ଥାକୁ ଦୃଷ୍ଟିରେ ରଖି ଉକ୍ତ ଗ୍ରାମରେ ୧ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି।