ରାୟଗଡ଼ାରେ ଓଡ୍ରାଫ୍ ଟିମ୍

ରାୟଗଡ଼ା (ବଡ଼ ଖବର ବ୍ୟୁରୋ): ରାଜ୍ୟରେ ବାତ୍ୟା ଆଶଙ୍କା ନେଇ ରାୟଗଡ଼ା ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ସମ୍ଭାବ୍ୟ ବାତ୍ୟା ମୁକାବିଲା ପାଇଁ ତଟବର୍ତ୍ତୀ ଜିଲ୍ଲାମାନଙ୍କରେ ଜିଲ୍ଲା ପ୍ରଶାସନ ସଜାଗ ରହିଥିବା ବେଳେ ରାୟଗଡ଼ାରେ ଗୋଟିଏ ଓଡ୍ରାଫ୍ ଟିମ୍ ପହଞ୍ଚିଛନ୍ତି । ଜିଲ୍ଲାର ନାଗାବଳୀ ଏବଂ ବଂଶଧାରା, ୨ ବଡ଼ ନଦୀ ପ୍ରବାହିତ ହେଉଥିବା ବେଳେ କଲ୍ୟାଣୀ, ଚାଉଳଧୁଆ, ଫଳଫଳିଆ ଭଳି ଛୋଟ ନଦୀ ପ୍ରବାହିତ ହେଉଛି । ତେବେ ବିଭିନ୍ନ ସମୟରେ ରାୟଗଡ଼ା ଜିଲ୍ଲାରେ ବନ୍ୟା ବିତ୍ପାତ ହେବାର ନଜିର ରହିଛି । ଏହାକୁ ଦୃଷ୍ଟିରେ ରଖି ଜିଲ୍ଲାରେ ପହଞ୍ଚିଛନ୍ତି  ଓଡ୍ରାଫ୍ ଟିମ୍ । ଟିମ୍ ୨ ଭାଗରେ ବିଭକ୍ତ ହୋଇ ବିଷମ କଟକ ଓ ରାମନାଗୁଡାଠାରେ ରହି ବାତ୍ୟା ମୁକାବିଲା କାର୍ଯ୍ୟରେ ନିୟୋଜିତ ହେବାନେଇ ସୂଚନା ଦେଇଛନ୍ତି ଜିଲ୍ଲାପାଳ ପ୍ରମୋଦ କୁମାର ବେହେରା । ଏହା ସହ ସାମ୍ଭାବ୍ୟ ବାତ୍ୟାକୁ ନଜରରେ ରଖି ଜିଲ୍ଲା ପ୍ରଶାସନ ସଜାଗ ଥିବା କହିଛନ୍ତି ଜିଲ୍ଲାପାଳ ।