ଆଜି ଅଧାରୁ ଖେଳାଯିବ ଭାରତ-ପାକ୍ ମ୍ୟାଚ୍
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଏସିଆ କପର ହାଇଭୋଲଟେଜ୍ ଭାରତ-ପାକିସ୍ତାନ ମ୍ୟାଚରେ ପୁଣି ବାଧକ ସାଜିଲା ବର୍ଷା । ଗତକାଲି ଖେଳାଯାଇଥିବା ମ୍ୟାଚ ବର୍ଷା ଯୋଗୁଁ ଅଧାରେ ଅଟକି ରହିଛି । ଆଜି ପୁଣି ଖେଳାଯିବ ଭାରତ ପାକିସ୍ତାନ ମ୍ୟାଚ୍ । ବର୍ଷା ପାଇଁ ଗତକାଲିର ଅସମାପ୍ତ ମ୍ୟାଚ୍ ଆଜି ଖେଳାଯିବ । ୨୪.୧ ଓଭରରୁ ଆଜି ପୁଣି ବ୍ୟାଟିଂ ଆରମ୍ଭ କରିବ ଭାରତ । ବିରାଟ କୋହଲି ଓ କେଏଲ୍ ରାହୁଲ ଆରମ୍ଭ କରିବେ ବ୍ୟାଟିଂ। ରୋହିତ ଶର୍ମା ଏବଂ ଶୁବମନ ଗିଲ୍ଙ୍କ ଧମାକାଦାର ଆରମ୍ଭ ଅଟିକଯିବା ପରେ ବର୍ଷା ପୁଣି ବାଟ ଓଗାଳିଛି।
ଏସିଆ କପ୍ ସୁପର୍ ଫୋର୍ ଅନ୍ତର୍ଗତ ପାକିସ୍ତାନ ବିପକ୍ଷ ମୁକାବିଲାରେ ଭାରତ ୨୪.୧ ଓଭର ସୁଦ୍ଧା ୨ ୱିକେଟ୍ ହରାଇ ୧୪୭ ରନ୍ କରିଥିବାବେଳେ ବର୍ଷା କାରଣରୁ ମ୍ୟାଚ୍କୁ ସ୍ଥଗିତ ରଖାଯାଇଥିଲା । ନିର୍ଧାରିତ ଖେଳସୂଚୀ ଅନୁସାରେ ଏହି ମ୍ୟାଚ୍ ପାଇଁ ସଂରକ୍ଷିତ ଦିବସ ରଖାଯାଇଥିବାରୁ ଆଜି ଭାରତ ସେହି ଅଧା ପାଳି ଠାରୁ ହିଁ ପୁନଃ ଖେଳିବ। । ତେବେ ଆଜି ବି କଲମ୍ବୋରେ ବର୍ଷା ହେବା ସମ୍ଭାବନା ରହିଛି ବୋଲି ଅନ୍ତର୍ଜାତୀୟ ପାଣିପାଗ ସଂସ୍ଥା ଆକଳନ କରିଛନ୍ତି । ଆଉ ଆଜିର ମ୍ୟାଚ ରଦ୍ଦ ହେଲେ ଦୁଇ ଦଳ ଗୋଟିଏ ଲେଖାଁଏ ପଏଣ୍ଟ ଭାଗ କରିବେ ।