ଚାନ୍ଦବାଲି(ବଡ଼ ଖବର ବ୍ୟୁରୋ): ୩୬ ବର୍ଷର ରୋଗୀଣା ପୁଅର ଆଶାବାଡି ସାଜିଛନ୍ତି ୬୦ ବର୍ଷର ମା’ । ଫେଲ ହୋଇଯାଇଛି ୨ଟି କୀଡନୀ । ସ୍ୱାସ୍ଥ୍ୟବସ୍ଥା ଦେଖି ସ୍ତ୍ରୀ ମଧ୍ୟ ଛାଡିଦେଲା ସାଥ୍ । ଯେଉଁଠି ଖାଇବାକୁ ଦି ଓଳି ଦି ମୁଠି ମିଳିବା କଷ୍ଟ ସେଠି ଚିକିତ୍ସା ପାଇଁ ପରିବାର ମୁଣ୍ଡରେ ପଡିଛି ଚଡକ । ସରକାରଙ୍କ ସହାୟତା ଆଶାରେ ଚାନ୍ଦବାଲି ଦୋସିଙ୍ଗା ପଂଚାୟତର ଦୈତାରି ନାୟକ । ମୋ ପୁଅକୁ ବଂଚେଇ ଦିଅ । ମୋ ପୁଅକୁ ଭଲ କରିଦିଅ । ଏଭଳି କିଛି ରହିଛି ମା’ର କୋହଭରା କଥା ।ହେ ସରକାର ମୋ ପୁଅକୁ ବଂଚେଇ ଦିଅ ଏମିତି କୋହଭରା କଣ୍ଠରେ ଆଖିରୁ ଲୁହ ଝରାଇ ସରକାରଙ୍କୁ ହାତଯୋଡି ଆକୁଳ ନିବେଦନ କରୁଛନ୍ତି ଜଣେ ୬୦ବର୍ଷର ବିଧବା ମା । ଅର୍ଥ ଅଭାବରୁ ଆଜକୁ ତିନିମାସ ହେବ ବିଛଣାରେ ପଡି ରହିଛି ପୁଅ । ଯାହା କିଛି ଥିଲା ସବୁକିଛି ବିକି ଭାଙ୍ଗି ପୁଅର ଚିକିତ୍ସାରେ ଲଗାଇ ସାରିଛି ମା ଏମିତି କି ପୁଅର ଚିକିତ୍ସା ପାଇଁ ଗାଁ ଗାଁ ବୁଲି ମାଗି ପୁଅକୁ ମେଡିକାଲ ନେଇଛନ୍ତି ମା।
ଓଳିଏ ଖାଇଲେ ଆରଓଳି ଉପବାସ। ଏମିତି ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଦୋସିଙ୍ଗା ପଞ୍ଚାୟତ ବାଲିସାହି ଗ୍ରାମରେ । ଦୈତାରି ନାୟକ ବୟସ-୩୬ ଆଜକୁ ତିନିମାସ ହେବ ଦୁଇଟି କିଡିନ୍ ହରାଇ ବିଛଣାରେ ପଡି ରହିଛନ୍ତି।ଦୈତାରିର ଜଣେ ବିଭାହିତ ତାଙ୍କର ଗୋଟିଏ ହସ ଖୁସିର ପରିବାର ଥିଲା ଅଚାନକ ଦେହ ଅସୁସ୍ଥ ହେବାରୁ ଡାକ୍ତରକୁ ଦେଖାଇଥିଲେ ଡ଼ାକ୍ତର ସମସ୍ତ ପରିକ୍ଷା ନିରିକ୍ଷା କରି ଜାଣିବାକୁ ପାଇଲେ ଦୈତାରି ର ଦୁଇଟି ଯାକ କିଡିନ୍ ନଷ୍ଟ ହେବାକୁ ବସିଲାଣି। ଏକଥା ଶୁଣି ଦୈତାରିଙ୍କ ପରିବାରରେ ମାଡ଼ି ଯାଇଥିଲା କଳା ବାଦଲ। ସ୍ୱାମୀର କିଡିନ୍ ଖରାପ ଖବର ଶୁଣି ସାତଜନ୍ମ ପାଇଁ ସାଥିହୋଇ ହାତଧରି ଆସିଥିବା ସ୍ତ୍ରୀ ସ୍ୱାମୀ ର ବିପଦ ସମୟରେ ହାତଛାଡି ଚାଲିଗଲା। ଏଭଳି ବିପଦ ସମୟରେ ଦୈତାରି ର ଆଶାବାଡି ସାଜିଛି ଜନ୍ମଦାତ୍ରି ୬୦ବର୍ଷର ବିଧବା ମା। ପୁଅର ଚିକିତ୍ସା ପାଇଁବିଧବା ମା ସରକାର ଏବଂ ଓଡିଶା ବାସିଙ୍କୁ ସାହାଯ୍ୟ କରିବାକୁ ଅନୁରୋଧ କରିଛନ୍ତି।
