ପରଜଙ୍ଗ(ବଡ଼ ଖବର ବ୍ୟୁରୋ): ପରଜଙ୍ଗ ବ୍ଲକ ଜୟପୁରା କାଟେଣୀ ପଞ୍ଚାୟତର ଭାଜାପା ସମର୍ଥିତ ସରପଞ୍ଚ ମିତାରାଣୀ ସାହୁଙ୍କୁ ମହଙ୍ଗା ପଡିଛି ବୟସ ଜାଲିଆତି । ବୟସ ଜାଲିଆତି କରିବା ଅଭିେଯୋଗରେ ପରଜଙ୍ଗ ସିଭିଲ ଜଜ୍ ଜୁନିୟର ଡିଭିଜନ ତ୍ରିଜୀବ କୁମାର ନନ୍ଦ ତାଙ୍କୁ ଅଯୋଗ୍ୟ ଘୋଷଣା କରିଛନ୍ତି ।
ସୂଚନା ଅନୁସାରେ ଗତ ପଞ୍ଚାୟତ ନିର୍ବାଚନରେ ମିତାରାଣୀ ପ୍ରାର୍ଥୀପତ୍ର ଦାଖଳ ସମୟରେ ବୟସ ପ୍ରମାଣପତ୍ର ଜାଳିଆତି କରିଥିଲେ । ଓଡିଶା ପଞ୍ଚାୟତ ଆକ୍ଟ ୧୯୬୪ ଅନୁସାରେ ସରପଞ୍ଚ ପଦବୀ ପାଇଁ ସର୍ବନିମ୍ନ ବୟସ ସୀମା ହେଉଛି ୨୧ ବର୍ଷ । ହେଲେ ମିତାରାଣୀ ବୟସ ଜାଲିଆତି କରି ପ୍ରାର୍ଥୀପତ୍ର ଦାଖଲ କରିଥିଲେ ।
ଏନେଇ ତାଙ୍କ ନିକଟତମ ପ୍ରାର୍ଥୀ ବିନୁ ବେହେରା ପରଜଙ୍ଗ କୋର୍ଟରେ ନଂ.୪/୨୨ରେ ଏକ ମାମଲା ରୁଜୁ କରିଥିଲେ । ସୋମବାର ଏହି ମାମଲାର ଶୁଣାଣି କରି ପରଗଙ୍ଗ ସିଭିଲ ଜଜ୍ ଜୁନିୟର ଡିଭିଜନ ମିତାରାଣୀଙ୍କୁ ଅଯୋଗ୍ୟ ଘୋଷଣା କରିଛନ୍ତି । ମିନୁ ବେହେରାଙ୍କ ତରଫରୁ ପ୍ରେମାନନ୍ଦ ସାହୁ , ଅଶୋକ କୁମାର ଦାସ ମାମଲା ପରିଚାଳନା କରିଥିଲେ ।
