ଓଡ଼ିଶାରେ ଗଣତନ୍ତ୍ରର ହତ୍ୟା ହୋଇଛି; ନରସିଂହ ମିଶ୍ର

ଭୁବନେଶ୍ୱର(ବଡ଼ ଖବର ବ୍ୟୁରୋ): ଓଡିଶାକୁ ନିର୍ବାଚନ କମିଶନଙ୍କ ଟିମ ଆସୁଥିବା ପ୍ରସଙ୍ଗରେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ରଖିଛନ୍ତି ପ୍ରତିକ୍ରିୟା ।ସେ କହିଛନ୍ତି ‘ଆଗୁଆ ନିର୍ବାଚନ ଓ ୱାନ ନେସନ ୱାନ ଇଲେକ୍ସନ ଚର୍ଚ୍ଚା ଭିତରେ ଲୋକେ ବର୍ତ୍ତମାନ ଦ୍ୱନ୍ଦରେ ଅଛନ୍ତି । ସେଇ ଆଶଙ୍କାରେ ସବୁ ରାଜନୈତିକ ଦଳ ନିର୍ବାଚନ ପ୍ରସ୍ତୁତି ରେ ଲାଗିଛନ୍ତି । କଂଗ୍ରେସ ବି ପ୍ରସ୍ତୁତ ହେଉଛି ।

ସବୁ ନିର୍ବାଚନ ମଣ୍ଡଳୀ ରେ କାମ ଆରମ୍ଭ ହୋଇଛି । କିନ୍ତୁ ନିର୍ବାଚନ ଆଗୁଆ ହେବ କି ଠିକ ଟାଇମରେ ହେବ ଉଭୟ କେନ୍ଦ୍ର କି ରାଜ୍ୟ କେହି ସ୍ପଷ୍ଟ କରୁ ନାହାନ୍ତି । ନିର୍ବାଚନ କମିଶନ ତାର କାର୍ଯ୍ୟ ଧରି ଆସୁଛନ୍ତି । ସେଇଟା ଆଗୁଆ ନିର୍ବାଚନର ଗୋଟେ ସଙ୍କେତ ବୋଲି କୁହାଯାଇ ପାରିବ ନାହିଁ । ଦୁର୍ଭାଗ୍ୟ ହେଉଛି ଓଡ଼ିଶାରେ ଗଣତନ୍ତ୍ରର ହତ୍ୟା ହୋଇଛି । ରାଜ୍ୟରେ ଆଉ ଗଣତନ୍ତ୍ରର ଶାସନ ଚାଲୁନାହିଁ ।’